"معزمنيش".. والد الفنان حسام حبيب يعلق على خطوبة نجله

علق حسين كامل والد الفنان حسام حبيب، على خطوبة نجله من فتاة من خارج الوسط الفني خلال الأيام الماضية.

أوضح حسين كامل لـ"تليجراف مصر"  أنه لم يحضر خطوبة نجله حسام حبيب، كما علم عن المناسبة من خلال مواقع التواصل الاجتماعي بسبب عدم دعوته للحضور.

وأضاف والد حسام حبيب: "أنا محضرتش خطوبة حسام ابني، هو ما قاليش والله ومعزمنيش أصلًا، عرفت من الناس اللي كاتبة معنديش فكرة عن الموضوع خالص لا قالي ولا عندي فكرة أصلا".

خطوبة حسام حبيب 

وعلق رواد مواقع التواصل الاجتماعي على خطوبة حسام حبيب، حيث علق حساب قائلًا: "حسام بيستعد لخطوبته قريبًا، والخطوة دي لو فعلًا تمت هتبقى أول مسمار يدق في نعش علاقة حسام وشيرين اللي صدعت الناس لسنين وسنين، لأنه بالخطوة دي كل واحد فيهم سواء حسام أو شيرين هيفقد الأمل في فكرة إنهم يرجعوا لبعض، لإن بالمناسبة فكرة رجوعهم لبعض كان أمر مش مستبعد، لكن طالما واحد فيهم قرر يرتبط فخلاص كدا.. كل واحد هيشوف شغله ومستقبله ويسيبه بقى من العلاقة اللي مكنتش مفهومة وكان فيها جدل واتهامات وضرب وأقسام شرطة وتحقيقات وحاجة آخر بهدلة وقلة قيمة.. ربنا يوفق الدنيا على بعضها".

عودة حسام حبيب وشرين عبد الوهاب

وفي وقت سابق، علق حسام حبيب خلال لقائه ببرنامج العرافة عن احتمالية رجوعه لـ شيرين قائلًا إن مرحلته مع شيرين انتهت ولا يمكن أن يعود لها تحت أي ظرف، مضيفًا: “هو أنا كسبت إيه من القصة دي غير أذى.. بشوف دايمًا في العناوين حسام أخد من شيرين وحسام سرق من شيرين، أنا أكيد كان عندي علاقات قبل شيرين وأكيد كان عندي أصدقاء وخلافات جوه بيتي عمر ما فيه حاجة طلعت للناس”.