طبيبة كفر الدوار بعد الحكم عليها: "مبسوطة عشان هقضي وقت مع ابني"

قضت المحكمة التأديبية بمجلس الدولة في البحيرة، برئاسة المستشار طارق شعيب، أمس الأحد، على الدكتورة وسام شعيب، المعروفة إعلاميًا بلقب "طبيبة كفر الدوار"، بوقفها عن العمل 6 أشهر وخصم نصف الراتب، وذلك على خلفية نشرها لمقاطع فيديو أثارت جدلًا واسعًا عبر مواقع التواصل الاجتماعي، تناولت فيها قضايا تتعلق بـ"الحمل الحرام" وطلب بعض السيدات الإجهاض.

طبيبة كفر الدوار: كنت متوقعة حكم اكبر من كدا

وعلقت طبيبة كفر الدوار “وسام شعيب” على وقفها عن العمل 6 أشهر وخصم نصف الراتب، قائلة: “كان عندي حسن ظن بالقضاء العادل وكنت متوقعة حكم أكبر من كدا والحمد لله أنها جت على كده هعتبرها إجازة في بيتي وفرصة عشان أقعد مع ابني”.

طبيبة كفر الدوار: مبسوطة عشان هقضي وقت مع ابني

وأضافت طبيبة كفر الدوار: “أنا النبطشيات والشغل كان واخد وقتي كله ومكنتش لاقية وقت لابني فالحمد لله أنا مبسوطة أوي عشان هقضي وقت معاه.. ومش هتوقف عن النصايح وهفضل أقول خافوا على عيالكو واهتموا بالتربية وبلاش الحرية الزياده لازم يبقى فيه رقيب”.

وأشارت “وسام”، إلى أنه يجب أن يوجد رقيب على تربية الأولاد ووجود الضرب وليس الضرب المبرح لأن الدين منع ذلك ولكن وجب وجود الشدة في التربية، مضيفة: “لازم تصاحبوا بناتكوا ولازم تبقوا قريبين منها لأن والدي كان دايما يقول تربية الولاد زي تربية البنات وبركز على تربية البنات أكتر لأن أغلب شغلي والمرضى بنات وستات”.

طبيبة كفر الدوار: سأستمر في النصائح والدور التوعوي 

وأعربت طبيبة كفر الدوار عن دهشتها من عدد المشاهدات الخاصة بفيديوهاتها قائلة: "الناس اللي عارفاني فاهمة أسلوبي وطريقتي مكنتش بقصد إساءة أو إهانة لحد لكن اللي ميعرفونيش كانوا شايفين الأسلوب غلط ومش هنكر إن أنا هراجع أسلوبي لأن في حاجات تتقال وحاجات لا لأني بقيت شخصية عامة غصب عني بالسوشيال ميديا ومش هعمل لايفات تاني هعمل فيديوهات مسجلة وأعملها مونتاج".

بداية واقعة طبيبة كفر الدوا

وكانت الأجهزة الأمنية قد تمكنت من إلقاء القبض على الدكتورة وسام شعيب، طبيبة النساء والولادة بمستشفى كفر الدوار، عقب تداول فيديوهات تحدثت خلالها عن حالات حمل ناتجة عن علاقات غير شرعية لفتيات، موضحة أنها تهدف إلى توعية الفتيات من خلال مشاركة الحالات التي تواجهها يوميًا في عملها.