صديق المعتدي على قطط الجيزة يفجر مفاجأة: "كان شغال في شركة فرنسية"

ضجت مواقع التواصل الاجتماعي بفيديو لشخص يُدعى “أبو عزة”، يقيّد قططًا صغيرة ويضعها في حقيبة سوداء بإحدى مناطق الجيزة، قبل أن تلقي الأجهزة الأمنية القبض عليه أمس الأول، لاتخاذ الإجراءات القانونية اللازمة، لكن أحد زملائه السابقين كتب منشورًا اليوم، كشف تفاصيل إنسانية جديدة وسط مطالبات بخروجه من السجن.

أبو عزة المعتدي على القطط

كتب شخص يدعى عبدالرحمن محمود منشورًا عبر صفحته الشخصية بمنصة “فيسبوك”، يزعم فيه أنه زميل سابق لـ أبو عزة مع صورة للأخير قبل تدهور أوضاعه.

وقال في المنشور: “من 10 سنين، كنت شغال في Teleperformance، وكان معايا أبو عزة، كنا بنقعد نشتغل جنب بعض ، الراجل دا كان من أنضف وأجدع الناس اللي قابلتهم محترم وبشوش دايمًا بيساعد الكل وبيعامل الناس بأدب وطيبة قلب حقيقية”.

وتيلي بيرفورمانس Teleperformance شركة فرنسية متعددة الجنسيات متخصصة في إدارة الأعمال، تأسست عام 1978، كما أنها شركة متخصصة في خدمات الأعمال الرقمية، حيث تقدم خدمات تحصيل الديون والتسويق عبر الهاتف وإدراة علاقات العملاء والمحتوى، بطرق هادفة ومستدامة.

أبو عزة من موظف لمجذوب

وأضاف عبدالرحمن في منشوره: “للأسف، الأيام دارت بيه والنهاردا أبو عزة بقى في حالة صعبة جدًا.. بقى مجذوب في الشارع، والنهاردت اتقبض عليه، بس أنا بكتب الكلام دا علشان أقول إن أبو عزة مكنش كدا ومكانش يستاهل اللي هو فيه، أيًا كان عمل إيه، الناس بتتغير مش بإيدها، الظروف ساعات بتكسر الواحد لدرجة إنه ميبقاش هو، ودا بالظبط اللي حصل”.

نداء استغاثة

واختتم: “أنا بكتب البوست دا وقلبي واجعني علشان والله ما كان يستاهل كدا، أرجو منكم البوست دا  أو غيره عنه يوصل لأكبر عدد ممكن، يمكن نلاقي حل ونساعده يخرج من الحبس ونرجّع له جزء من إنسانيته وعقله اللي الظروف بدلتهم غصب عنه، إحنا مش أقل من إننا نوقف جنب بعض في وقت الشدة”.

المهدي المنتظر

وظهر أبو عزة في الفيديو، مدعيًا أنه المهدي المنتظر، عندما انتقدته فتاة على تقييده القطط ووضعها في حقيبة، لكنه رد عليها بأنه كان يقوم بحماية القطط من حوادث المرور.

وأثار مقطح الفيديو غضبًا واسعًا وسط مطالبات باتخاذ الإجراءات القانونية اللازمة ضده. ولاحقًا، عقب انتشار الفيديو على نطاق واسع، تمكنت الأجهزة الأمنية من تحديد هويته والقبض عليه، بمديرية أمن الجيزة، لكشف تفاصيل الواقعة.