والد ضحية نجل محمد رمضان: الطرف التاني عايز شوشرة

محمد رمضان ونجله

A . .A

لا تزال الأزمة قائمة بين الفنان محمد رمضان من جهة، ووالد طفل يقول إنه تعرض للاعتداء من جانب نجل الفنان من جهة أخرى.

وتحدث محمد سالم، والد الطفل، عن إمكانية الصلح مع محمد رمضان، مؤكدًا أنه لم يتلق حتى الآن ما يفيد برغبة النجم السينمائي في الصلح.

شوشرة

وقال سالم لـ "تليجراف مصر": "أنا محدش كلمني علشان يتصالح، ولحد دلوقتي مفيش مبادرة صلح من ناحيتي وبدري أوي على الكلام ده وهنشوف هيكون تأثيره إيه على الضحية، إحنا اللي اتغلط فينا".

وأضاف: "أنا مش راجل بتاع مشاكل والتصريحات اللي طالعة من الطرف التاني كلها سلبية وإدعاءات غريبة وكلام شوشرة ومش حقيقي".

محمد رمضان

في وقت سابق، علّق الفنان محمد رمضان، على أزمة خلاف نجله مع آخرين، مؤكدًا أن الواقعة لا تتعدى كونها خلافًا بين أطفال داخل نادٍ، وأن ابنه كان جالسًا بهدوء مع شقيقته حين اقترب منه مجموعة أطفال ووجّهوا له عبارات عنصرية “إنت أسود زي أبوك” واتهامات طبقية، قال إنها على الأرجح صادرة من ذويهم.

وأضاف رمضان، عبر صفحته على “فيسبوك” أن تدخله جاء لاحتواء الموقف وتهدئة الأطفال، وهو ما وثقته كاميرات النادي وشاهده أفراد الأمن والمدربون.

رد والد ضحية نجل محمد رمضان

من جانبه، رد محمد سالم، والد الطفل الضحية، قائلًا: "أنا أساسًا ابني أسمر، فيعني حاجة تضحك، ده مش طبعنا وإحنا مش متربيين على كده، طب ما دام الكلام كده، ما اتقالش الكلام ده من ستة أشهر ولا سبعة ليه؟ إحنا مش أسرة متابعة للفن ولا حاجة، إحنا بسطاء، يعني الكلام كله مش صحيح طبعًا".

وتابع والد الطفل: "النهاردة فيه فيديوهات بتوري السلوك بتاع الأب وابنه، متهيأ لي إنه بيحاول يستدر التعاطف والكلام ده، بدليل إنه ما قالش الكلام ده من بدري".

وكانت محكمة الطفل، المنعقدة في مدينة 6 أكتوبر بالجيزة، قررت في وقت سابق إيداع "علي" نجل الفنان محمد رمضان، داخل إحدى دور الرعاية، على خلفية اتهامه بالاعتداء بالضرب على طفل داخل نادٍ شهير بمنطقة “نيو جيزة”.