"ادعوا لأمي".. هند سعيد صالح تكشف خضوع والدتها لعملية جراحية

كشفت المونتيرة هند سعيد صالح، ابنة الفنان الراحل سعيد صالح، خضوع والدتها لعملية جراحية، مطالبة الجمهور بالدعاء لها بالشفاء.

والدة هند سعيد صالح

وكتبت هند سعيد صالح عبر  “فيسبوك”: “من فضلكم ادعوا لأمي.. اتحجزت في المستشفى وهتعمل قسطرة دلوقتي.. شكرًا مقدمًا”.

هند سعيد صالح وسامح عبد العزيز

وفي وقت سابق، نعت هند سعيد صالح، المخرج الراحل سامح عبدالعزيز، لافتة إلى موقف إنساني معه، حيث قالت: “سامح عبدالعزيز دخل عليا مرة المونتاچ في فيلم الفرح كنت مونتير مساعد لصديقي المونتير عمرو عاصم”.

وتابعت: “قاعدة مركزة وبشتغل وأنا لما بشتغل بتركيز بتخض لما حد يعطس جنبي، فتح باب وحدة المونتاچ فتحة مخبرين وقالي: يا سلطانة (هو كان مسميني كدة عشان الكليب الشرقي الشهير اللي عملته) مدام إسعاد جاية تتفرج النهارده على الفيلم عشان التوزيع، قولتله جاهزين يا أستاذ لا تقلق كله تحت السيطرة ومجهزالها التايم لاين قالي لا تايم لاين إيه؟ أنا عايزها تتفرج لحد قبل ما زينهم (خالد الصاوي) يقول يا ريتني ما كنت سمعت كلامكم”.

"أبكى والدها".. هند سعيد صالح تكشف موقفًا إنسانيًا مع سامح عبد العزيز

في ذكرى ميلاده.. هند سعيد صالح: "والدي كان كتابا مفضوحا"

واستكملت هند صالح: “قولتله حاضر بس ليه الساسبنس ده؟ قالي مش عارف أهي فكرة وجاتلي وهانقفل عند الآية القرآنية وخليها تتفاجئ بالنهاية الحقيقية في العرض الخاص وقفلت عند الجزء اللي طلبه وشيلت النهاية الحقيقية في تايم لاين تاني لحد ما الضيوف يمشوا.. كان كل شوية يقلد بابا في مشهد (بركة السبع جت؟) ويفتح عليا باب الوحدة ويقولي: مدام إسعاد جت؟ ومدام إسعاد يونس جت واتفرجت وعجبها الفيلم وقالت فيه أشعار وهو واقف من وراها عمال يغمزلي ويضحك”.

مفاجأة في فيلم الفرح

وأضافت: "لما الناس مشيت قالي عندي ليكي مفاجأة قولتله خير؟ قالي في العرض الخاص هاتعرفيها، اكتشفت إنه كان كاتب اسمي في لوحة لوحدي في تتر البداية تقديرًا لمجهودي، لأن الفيلم فعلًا كان تركيبه صعب، طبعًا فرحتي كانت أكبر من أي فرحة لأن بابا وهو بيشوف اسم بنته في العرض الخاص لفيلم مهم زي ده كانت كبيرة لدرجة البكاء ده غير لأنه في 2009 مكانش فيه مساعدين بيتكتبوا في تتر البداية واللي في الوسط هايفهم قصدي".