والدة "ضحية سائق أوبر" تكذّب الشركة: محدش تواصل معانا

كشفت دينا إسماعيل، والدة الفتاة حبيبة الشماع، كواليس محاولة اختطاف ابنتها على يد سائق سيارة أوبر وتعرضها لإصابات خطيرة.

وخلال مداخلة هاتفية مع الإعلامي عمرو أديب، في برنامج "الحكاية"، على قناة "mbc مصر"، مساء السبت، قالت والدة حبيبة: ابنتي استقلت سيارة أوبر من أمام المنزل، في الساعة 6 و50 دقيقة مساء الأربعاء، وتواصلت معها بعدها بدقائق"، مضيفة: مكنتش سمعاها من صوت الأغانى اللى كانت شغالة، وهى بتكلمنى قالت لى: ده شكله مش طبيعى، وكان بيتخانق بصوت عالى فى التليفون".

وتابعت: حد اتصل بيا وقال لي: حبيبة في مستشفى الشروق العام، لما وصلت لقيت الأرض كلها غرقانة دم وقاطعة النفس وبيخيطوا دماغها.

واكملت: "واحد واقف قال لى: لقيتها بتقع من العربية، وقالت 3 كلمات: أوبر كان هيخطفنى، وجالها تشنجات وفقدت الوعى.

وتابعت الأم: بنتي فاقدة للوعي ونسبة إدراكها 3 من 15 درجة، وتعاني من تجمعات كبيرة في المخ. مضيفة: "حبيبة قوية وبنت بلد، وتتعامل مع فئات كثيرة من المجتمع، أكيد حصل حاجة خوفتها خلتها تنط من العربية".

وكذبت والدة الفتاة شركة أوبر، اوقالت: “محدش تواصل معانا ولا كلمنا من الشركة أصلا، والبيان بتاعهم كله كذب،”، وتساءلت: أوبر شركة كبيرة إزاي تشغل سائق عنده سوابق جنائية؟