عبد الحفيظ: الأهلي فوق الجميع والعقلية غير المناسبة النادي تمشي

أكد سيد عبد الحفيظ، المرشح على منصب عضوية مجلس إدارة النادي الأهلي، أنه قرر خوض الانتخابات المقبلة لشعوره بالمسؤولية الكبيرة تجاه النادي ورغبته في تقديم الإضافة داخل منظومة القلعة الحمراء.

وقال عبد الحفيظ في تصريحاته لبرنامج الكورة مع إبراهيم فايق: “أي حد مش مقدّر شعار الأهلي ربنا يوفقه في أي مكان تاني، لأن الأهلي دايمًا بيكمل ويمشي كويس بعد رحيل أي لاعب، واللي يهمنا هوية النادي فوق أي شيء”.

وأضاف: “الكرة محتاجة عين كويسة تختار، وقدرات مادية دا لازم يكون موجود دايمًا في الأهلي، وكل ما تيجي فرصة نقوّي الفريق لازم نعمل كدا”.

وشدد عبد الحفيظ على أهمية ملف الرواتب داخل النادي، قائلًا: “هشوف الأول الدنيا ماشية إزاي في ملف رواتب اللاعبين، لأن العدالة والموازنة بين الجميع من أساسيات النجاح”.

كما تحدث عن ضرورة احترام الأقدمية داخل مجلس الإدارة، موضحًا: “لابد من مراعاة الأقدمية في مجلس الأهلي، ومهم جدًا تأصيلها لكل الأجيال علشان نحافظ على القيم اللي اتربينا عليها”.

وتابع: “شعرت بمسؤولية كبيرة من ردود فعل الأعضاء خلال الندوات الانتخابية، وحسّيت إن ممكن يكون ليا دور أقدر أفيد النادي بيه، وعلشان كده قررت أترشح”.

وعن علاقته بمحمود الخطيب رئيس النادي، قال: “لم نتحدث في الماضي خلال جلستي مع الخطيب، وأنا مش شايل حاجة قديمة. مجلس الأهلي هينجح بالعمل الجماعي وتوزيع الاختصاصات، والاختلاف في وجهات النظر أمر صحي”.

واختتم عبد الحفيظ تصريحاته مؤكدًا: “الخطيب هيكون المشرف على الكرة، والمسمى مش مهم بالنسبة لي، الأهم هو وضوح الصلاحيات، لأن الأهلي دايمًا مصلحته فوق أي فرد”.