"لما بيشرب بيطلع يضربني"، ماريان تستغيث من زوجها بالزاوية الحمراء

استغاثت سيدة تدعي ماريان صلاح فتحي من زوجها المنفصل عنها بسبب تعديه عليها بالضرب والسب ومطاردتها بسبب تعاطيه المواد المخدرة بمنطقة الزاوية الحمراء بالقاهرة.

ماريان تستغيث من زوجها بالزاوية الحمراء

وقال ماريان بمنشور لها على صفحة أصدقاء الشرطة بموقع فيسبوك: "أنا متزوجه من واحد اسمه م.م.ت، وانفصل عني أنا كنت ساكنه فى الزاويه الحمراء وحصل بينا مشاكل كبيرة بسبب أنه بيشرب ويبيع مخدر الآيس ولما بيشرب بيطلع يضربنا".

وأكملت: “ولما بيعرف أن احنا سكنا فى مكان بيفضل يدور علينا عشان نروح نتنازل عن المحاضر لأن هي بتكون نزلت عليه حكم أنا اخدت فوق السبع الشقق وهو بيعرف مكنها و بيروح يعملي فضايح و بيخلي الناس تطردني من عندهم”.

وأضافت ماريان: “أنا بقالي 3 سنين فى العذاب ده و فى ناس كتير بتساعده، وفي واحد ساكن فى القصيرين و ده كمان طبعا مدمن و كمان واحد من صفط اللبن، وده نصاب كبير جدا غير طبعا بيعمل أكونتات فيك باسمي أنا وأهلي”.

وتابعت: "أنا معايا تسجيلات بصوته، وأنا بستغيث بوزارة الداخلية والأجهزة المعنية، أنا فعلا بموت منهم مش عارفه أعيش بيطاردوني فى كل حته".

كما تكثف الأجهزة الأمنية بوزارة الداخلية جهودها بالواقعة، لفحص إدعاءات السيدة تجاه زوجها، لكشف ملابسات وتفاصيل الواقعة.

اقرأ أيضا:

"الحقوني قبل ما اخلص على أولادي", أب يستغيث لتشخيص مرضه الغامض (خاص)

"كانوا بيحدفوه لبعض"، ولية أمر تستغيث من تعدي طلاب على نجلها في مدرسة بأكتوبر