"4 بطات وفرختين"، المتهم بقضية "زيزي وصغارها الثلاثة" يكشف سر العلاقة

المتهم بإنهاء حياة سيدة وصغارها الثلاثة بالهرم

أحمد عبد الباري

A . .A

بدأت محكمة جنايات الجيزة، نظر جلسة محاكمة المتهم بإنهاء حياة سيدة وأبنائها الثلاثة، في القضية المعروفة إعلاميًا بـ"جريمة صغار الهرم".

أقوال المتهم بإنهاء حياة سيدة وصغارها الثلاث بالهرم

وحصلت “تليجراف مصر” على أقوال “أحمد.م” المتهم بإنهاء حياة سيدة وصغارها الثلاثة بالهرم، أمام جهات التحقيقات وجاءت أقواله كالتالي:

س: ما قولك فيما نسب إليك من اتهامات بصدر التحقيقات؟

ج: أيوه حصل.

س: ما هي تفصيلات إقرارك؟

ج: أنا أعرف زيزي من 3 شهور وماكنتش أعرفها أوي كانت زبونة عندي في العيادة البيطرية بتاعتي وببيع فيها طيور وهي جات تشتري طيور وأدوية ومرة جات قالت لي أنا عندي 4 بطات عاوزة أبيعهم وفرختين عشان محتاجة فلوس قلت لها مش بشتري طيور.. بعدها طلبت مني 2000 جنيه عشان عندها مشكلة مع جوزها وقالت لي هاستلفهم منك وهنا علاقتنا بدأت تتطور.

وتابع، "وكنا بنتكلم مع بعض في التليفون وحكتلي على مشاكل ما بينها وبين جوزها عشان بيضربها ويهينها، وهي سابت له البيت وقعدت عند أمها، وقالت لي إنها عايزة تشوف شقة في فيصل تقعد فيها مع العيال عشان عاوزة تتطلق من جوزها وأنا عارف بواب كنت ساعات بأجر شقة منه باليوم عشان كنت بعمل علاقات جنسية مع سيدات وساعتها أجرت الشقة دي بـ7 آلاف جنيه في الشهر ليها.

س: هل كانت تتردد على المحل الخاص بك بمفردها؟

ج: لا، هي كانت بتجيب معاها ولادها "سيف وجنى".

س: وما طبيعة الحوار الذي كان يدور بينكما؟

ج: هي حكت لي عن مشاكل بينها وبين جوزها عشان بيضربها ويهينها.

س: متى بدأت علاقتك بالمجني عليها؟

ج: بدأت العلاقة في سبتمبر 2025، وكنت أبات عندها أيام وأرجع لأهلي أيام.

س: هل كانت هناك خلافات بينكما؟

ج: أيوه، كانت بتهددني تفضحني لو ما اتجوزتهاش.

س: كيف قررت التخلص منها؟

ج: فكرت أسممها بمبيد حشري وأقراص سامة وحطيتهم في عصير.

س: ماذا حدث بعد تناولها العصير؟

ج: تعبت، وخدتها مستشفى قصر العيني، ولما حسيت إنها ماتت هربت.