بعد وفاة ابنته، أحمد عبدالحميد: "اكتشفت إن ربنا بيحبني"

وجه الفنان أحمد عبد الحميد، الشكر لكل أصدقائه الذين ساندوه في محنته بعد وفاة صغيرته ليلى، مؤكدًا أنه يحمد الله على كل شئ.

أحمد عبدالحميد: اكتشفت إن ربنا بيحبني

وكتب أحمد عبدالحميد عبر حسابه على منصة “إنستجرام”: “متشكر لكل الناس اللي بتحبني ووقفت جنبي في مصيبتي بس الحمد لله اكتشفت الأيام اللي فاتت إن ربنا بيحبني أكتر علشان يختبرني ويبتليني بجزء صغير من الابتلاءات اللي شافها الرسل والأنبياء وعبادة القريبين”.

وتابع: “أنا مش زعلان، أنا راضي وحامد ومبسوط إن ربنا رزقني بناس حلوة زيكم كلكم في ضهري وتأكدت من محبتكم اللي ربنا يقدرني وأرد جزء منها، الحمد لله عدد ما كان وعدد ما يكون وعدد الحركات والسكون”.

أحمد عبد الحميد يفقد صغيرته ليلى

أعلن أحمد عبدالحميد وفاة ابنته ليلى الجمعة الماضية، بعد تدهور كبير في حالتها الصحية وخضوعها لعملية جراحية في المخ، وجاء ذلك بعد أسبوعين من وفاة والده الماكيير محمد عبدالحميد.

وكتب أحمد عبدالحميد منشورًا عبر حسابه الرسمي على منصة “فيسبوك” جاء فيه نصًا: “أنا مش عارف ربنا بيحبنى ولا مش بيحبنى عشان ياخد مني أبويا وبنتي في أسبوعين”.

وتابع: “الله جاب الله خد الله عليه العوض.. لا نقول إلا ما يرضي الله، إنا لله وإنا اليه راجعون، بنتي ملاك عند ربنا وجنب أبويا.. أنا مش هقدر حد يكلمني ولا يعزيني وأنا شوية وهبقى كويس إن شاء الله”.

مرض الطفلة ليلى ابنة أحمد عبدالحميد

وفي أبريل الماضي، كشف أحمد عبد الحميد تطورات الحالة الصحية لابنته ليلى، معبرًا عن حزنه الشديد عليها.

وكتب عبر  “فيسبوك”: “ليلى النهارده تمت شهرين.. شهرين من غير ما أحضنها حضن واحد.. من غير ذكريات كتير كنت فاكر إني هبنيها معاها مشفتش منها غير وجع قلب بس.. مبقتش برد على حد يقولي بنتك عاملة إيه من كتر الإحباط ومن كتر ما بقول إنها مش كويسه ومفيش جديد”.

وتابع: “شهرين وأهم دكاترة في مصر مش عارفين يشخصوا حالتها عالأقل وده مش تقصير منهم لكن إرادة ربنا إن حالتها تكون جديدة ومحيرة كده، طرقت كل الأبواب مع ربنا والله وعلى قد مقدر مقصرتش وهفضل أسعى مع ربنا لعله يجبر خاطري أنا وأمها”، ليعلن بعد ذلك خضوعها لعملية كبيرة في المخ.

اقرأ أيضًا: 

"ملحقتش تقول يابابا"، تفاصيل مرض رضيعة أحمد عبدالحميد

بعد تدهور حالتها الصحية.. أحمد عبد الحميد يفقد صغيرته ليلى

الوسط الفني يودع الماكير محمد عبدالحميد، ما هي أبرز المحطات في مسيرته؟