غدا محاكمة المتهم في جريمة المنشار بالإسماعيلية

تستكمل محكمة جنايات أحداث الطفل بالإسماعيلية، غدا الثلاثاء، برئاسة المستشار خالد الديب، وعضوية المستشارين محمد أبو طلب وأحمد عاطف، جلسات محاكمة الطفل المتهم بإنهاء حياة زميله وتقسيم جسده بصاروخ كهربائي، في الجريمة المعروفة إعلاميا بـ"جريمة المنشار".

تفاصيل الواقعة واعترافات المتهم

ولا تزال جريمة الإسماعيلية التي راح ضحيتها طفل على يد صديقه تثير موجة من الغضب والدهشة بين المواطنين، بعد أن كشفت التحقيقات، مشاهد مؤلمة وتفاصيل غير متوقعة في واحدة من أكثر القضايا غموضًا خلال الفترة الأخيرة.

وقالت مصادر مطلعة لـ"تليجراف مصر"، في وقت سابق، إن المتهم “يوسف.أ” أدلى باعترافات تفصيلية أمام جهات التحقيق، كاشفًا اللحظات الأخيرة قبل ارتكاب الجريمة والدوافع التي قادته إلى هذا التصرف الصادم، وسط ثبات وانفعال غير متوقع لطفل في مثل عمره.

اعترافات المتهم بإنهاء حياة صديقه في الإسماعيلية

وقال المتهم في اعترافاته، إن عمره 14 عاما ويدرس في الصف الثاني الإعدادي بمدرسة التمساح بمنطقة أبو آدم ويعيش مع والده وإخواته رقية وعمر وأعمارهما 13 و9 سنوات.

وأكد المتهم، أنه يعرف الضحية “محمد" منذ فترة طويلة بسبب دراستهم بنفس المدرسة، بالإضافة إلى أنهما كانا يسكنان في منطقة واحدة، قبل أن تنتقل أسرة صديقه إلى مكان آخر.

تفاصيل يوم واقعة إنهاء حياة طفل الإسماعيلية

وعن يوم الواقعة، قال المتهم: “يوم الأحد اللي فات وإحنا خارجين من المدرسة قابلني وقالي تعالى نتمشى أجيب سجاير من الكشك، وراح فعلا اشترى سجارتين وعلبة كبريت، وقالي إنت مش هتشتري سجاير، قلت له لا أنا مصدع وتعبان ومفطرتش”.

وأضاف المتهم: “لقيته بيقولي إنه عايز فلوس يروح بيها ويشتري سجاير، وإنهم سلف، قولتله تعالى معايا البيت أشوف لك هناك ودخلنا البيت وفعلًا إخواتي الصغار كانوا في الأوضة المفتوحة على الصالة بيتفرجوا على التلفزيون”.

وتابع: "دخلت أنا وهو أوضتي وقعدنا على السرير، وفتحت تلفوني اتفرج على إنستجرام واتفرجنا على فيديو كان عن الأم، فقولتله هو صحيح يا محمد أمك كانت هتتجوز عمك، لأنه كان حكالي حاجة زي كده قبل كده، لقيته بيقولي أيوه، مش أحسن من أمك تتجوز أي حد، وساعتها اتضايقت، وقلت له قوم امشي، لقيته ضربني وطلع كتر كان معاه، وحاول يضربني بيه، وإخواتي خافوا من الخناقة اللي بيني وبين محمد ونزلوا من البيت".

وأكمل: “جبت شاكوش وضربت بيه محمد ضربة جامدة على رقبته من ناحية الشمال، ولقيت محمد بياخد نفسه بالعافية وجاتله تشنجات خفيفة، وحاولت أسعفه ورميت عليه مياه وبقيت أدوس على صدره، في الوقت ده قلت لنفسي ده أكيد بيموت، مفيش فايدة من اللي أنا بعمله، وفكرت لو بلغت هروح في داهية، وفكرت أقطعه وأخلص منه زي ما شفت في مسلسل أجنبي كنت متابعَه قبل كده”.

اقرأ أيضًا:

حقيقة وجود علاقة آثمة بين المتهم بجريمة الإسماعيلية والضحية

والدة ضحية جريمة الإسماعيلية: “ناري مش هتبرد غير برجوع حق ابني"

أسرة المتهم في "جريمة الإسماعيلية" تكلف المحامي أحمد حمد للدفاع عنه