خالد الغندور ينتقد ازدواجية معايير الأهلي بين ديانج وزيزو

علق الإعلامي خالد الغندور، على الأنباء المتداولة بشأن اقتراب رحيل المالي أليو ديانج، لاعب النادي الأهلي، إلى صفوف فالنسيا الإسباني، في صفقة انتقال حر بنهاية الموسم الجاري، منتقدًا طريقة تعامل الإعلام مع ملف انتقالات اللاعبين.

وكتب خالد الغندور عبر صفحته الرسمية على فيسبوك: "إيه الفرق بين زيزو وديانج؟ ده جاله عروض بالملايين من نيوم ومن أندية أوروبية، وديانج من سنتين، لكن الأهلي طلب 10 ملايين دولار مش أقل، ودلوقتي راح فالنسيا ببلاش، ولو كان مجدد كان هيدفع فيه ملايين".

خالد الغندور: زيزو رحل ببلاش وديانج رحل ببلاش

وتابع الغندور: "وده برده رحل ببلاش، وده برده رحل ببلاش، هنا تم سلخ المجلس من الإعلام اللي فرط في اللاعب ببلاش، وهنا مافيش مشكلة تفرط ببلاش في رامي ربيعة وأكرم توفيق، ودلوقتي ديانج.. هنا ممكن يبقى كبري، وهنا لا، هنا لاعب لم يقل الحقيقة، وهنا واضح، وهنا لاعب مصري وأسطورة، وهنا لاعب أجنبي".

ازدواجية المعايير في التعامل مع ديانج مقارنة بـ زيزو

واختتم الغندور تصريحاته قائلًا: "ممكن أعرف تعامل الإعلام في الحالتين واحد ولا فيه فرق؟ وهنا فلوس راحت بالملايين على الناديين ولا نمشيها على نادي واحد؟ وأخيرًا، مش أيام زيزو ورامي ربيعة، اللاعب الدولي رحل ببلاش ومعاه أكرم توفيق اللاعب الدولي أيضًا في ذاك الوقت، ولا أنا بقول كلام ما حصلش؟ وأخيرًا صباح الفل، والمعايير لازم تكون واحدة بلا حسابات".

اقرأ أيضًا: 

من الأردن إلى مصر.. الفاخوري ينضم رسميًا إلى صفوف بيراميدز

قبل لقاء الكونفدرالية، الزمالك يتسلح بالوجوه الجديدة أمام طموح المصري