المتهم بتهديد طليقته بالسكين أمام ابنته: "أنا شفت حاجات محدش يتحملها"

انتشر فيديو صادم عبر مواقع التواصل الاجتماعي، يظهر فيه زوج وهو يهدد زوجته السابقة بالقتل باستخدام سلاح أبيض "سكين"، وسط انهيار نفسي واضح لطفلتهما التي شهدت الواقعة بالكامل.

تفاصيل تهديد سيدة بالسكين أمام طفلتهما

وتواصلت “تليجراف مصر” مع الزوج المتهم الذي قال: "أنا شوفت الفيديو المتداول زيكم، والموقف من برا غلط، بس في حاجات أدت إلى اللي شوفتوه في الفيديو، وتشوفوا الصورة الوحشه اللي شوفتوها".

وأكمل: “أنا شوف مواقف وحاجات كتير من مراتي، مفيش راجل يستحملها على نفسه، ومش هقدر أذكر إيه هي الحجات دي، عشان أنا بحترم حياتي الزوجية ومش بحب أتكلم فيها، ولا حد ليه شأن فيها، عشان التفاصيل دي تخصني أنا والست اللي كانت مراتي”.

وأضاف: “أنا أقدر أرد على اللي طليقتى بتقوله، بس دي أم بنتي ومش هينفع أعمل كدا، وبالنسبة لبنتي فأنا زعلان زعل عمري عشان المشكلة دي حصلت قدام عينها، والحجات اللي كانت في إيدي أنا كنت بخبيها، ومكنتش ناوي اضرب بيها حد، وياريت محدش يتكلم في الموضوع عشان دي حياة أسرية، وكمان الواقعة كانت من سنة”.

مشاهد الرعب وسط الطفلة

وأظهر الفيديو الزوج وهو يمسك بسكين حاد موجهاً تهديداته نحو زوجته، بينما تقف طفلتهما الصغيرة منهارة بالبكاء، محاوِلة استجداء والدها أو الهروب من الموقف، لكنه استمر في غضبه وتلويحه بالسلاح.

كما وثق المقطع صرخات الزوجة المستمرة وهي تستغيث بسيدة تُدعى "أم طارق"، يبدو أنها جارتها أو قريبة، كانت تحاول التدخل لفض النزاع من خلف باب الشقة، بينما كان الزوج يحاول منعها من الدخول واستمر في توجيه الكلمات القاسية أمام الطفلة التي لم تتوقف عن العويل.

اقرأ أيضًا:

ملابسات تعدي "ضابط بالمعاش" على زوجته السابقة ونجلها بالقاهرة

"الكاميرات كشفته".. زوجة الفنان محمود حجازي تفجر مفاجآت بواقعة الفتاة الأجنبية