محمد سامي: تامر حسني في كفة لوحده لأنه أخف دم بالعالم

علق المخرج محمد سامي على خلاف سابق مع الفنان تامر حسني قائلًا "مرة حصل بيني وبين تامر خلاف كبير والناس متعرفش الموضوع ده، وكنت بعدها مفتقده جدًا، لحد ما شفته صدفة وضحكنا لبعض، وقلت له مفتقدك جدًا ودارت بينا مكالمة ساعتين كان نصفها ضحك، لأنه أخف دم في العالم".
وأضاف سامي خلال استضافته ببرنامج "أسرار" مع الإعلامية أميرة بدر المذاع على قناة النهار “أنا أكتر واحد اشتغل مع تامر حسني في الوطن العربي، عملت معاه إعلانات وكليبات ومسلسل، إزاي مفيش بيننا كيميا، وبعدين تامر دلوقتي مخرج زميل، وكله إلا تامر حسني، أنا عندي الوسط الفني في كفة وتامر في كفة”.

واستطرد قائلًا "أنا كلمت تامر حسني لما اختلفت في وجهات النظر أنا وأنغام في مسلسل نسل الأغراب، وعمل لي أغان قيمتها ملايين من غير ولا مليم، ونزل بات في الاستوديو كأنه مسلسل من بطولته".

برنامج “أسرار” تقدمه الإعلامية أميرة بدر على شاشة النهار يوميًا في تمام الساعة التاسعة مساءً، تستضيف من خلاله عددًا من نجوم الفن والرياضة والسياسة في مصر.