لماذا حرية البنت أقل من الولد؟.. الدكتور علي جمعة يرد

الدكتور علي جمعة

A . .A

أجاب عضو هيئة كبار العلماء بالأزهر الشريف، الدكتور علي جمعة، على تساؤل من إحدى الفتيات عن سبب تقييد حرية البنت في المجتمع، وذلك خلال الحلقة الثالثة من برنامج نور الدين والحياة المذاع على قناة “سي بي سي مصر”.

لماذا حرية البنت أقل من الولد؟

قالت جويرية للدكتور علي جمعة إن رغم أن الأهالي دائمًا يقولون: “أنتم أحرار.. إحنا مش قابضينكم، ومش حاطين عليكم قواعد تمشوا عليها”، إلا أن الحقيقة هناك قوانين وعادات وتقاليد تجبر البنات على عمل أشياء ضد الرغبة.

وأضافت: “كلام الناس مثلا أو إن البنت ليس لديها حرية مثل الولد، ليه أخويا يخرج يتفسح ويسافر بس أنا لا، فين الحرية في كدا؟”.

الدكتور علي جمعة يوضح حدود حرية البنت

أجاب الدكتور علي جمعة قائلًا: “ماما وبابا مش حاطين ليكي وقت معين لرجوع البيت، فأنتِ لو رجعتي بليل متأخر والست جارتكم اتكلمت عليكي أو بواب العمارة هتضايقي وهتطلعي تحكي ليهم”.

وأضاف أن العادات والتقاليد الموجودة والشائعة في المجتمع تعرضك للأذية، متابعًا: "يا ترى نرجع زي ما إحنا عايزين بالليل، ولا نرجع بعد العشاء عشان الناس ما تتكلمش علينا؟ إذا كانت نفسيتك قادرة على تحمل كل هذا الأذية والضغط، خلاص ارجعي زي ما ترجعي".

كيف نحل المشكلة؟

وأشار جمعة إلى أن هناك فعلين لحل تلك المشكلة؛ فعل سيترتب عليه نوع من أنواع الأذية، وآخر سيترتب عليه نوع من أنواع الحرمان".

وأضاف جمعة: “نفس النموذج ده حصل قبل كده مع عمتك، وخالتك، وما استحملوش، فمن وفور الشفقة بتاع الأب والأم، هو ده البحث عن المشترك، يعني هم مش عايزين إنهم يحرموكِ ولا عايزين تتأذي، فبيفكروا معاكي”.

وتابع العالم الأزهري: “هما مش أصحاب سلطة ومتعنتين، بقدر ما إنهم خايفين على سيادتك من الاكتئاب ومن عدم السعادة ومن التعرض للأذية، وأنتِ لما هتتعرضي للأذية هتصبري ولا مش هتصبري؟ الله أعلم”.

برامج دينية رمضان 2026، قائمة برامج دار الإفتاء المصرية و قنوات عرضها

سامح حسين: “شنطة الحياة” أهم من حقيبة السفر