بوسي في رسالة لطليقها هشام ربيع: "مشفتش حد في رجولتك"

حلت المطربة الشعبية بوسي، ضيفة على برنامج “العرافة” على قناة النهار، والذي تقدمه الإعلامية بسمة وهبة، خلال شهر رمضان، لتتحدث عن طليقها هشام ربيع.

وقالت بوسي، إن هناك أشخاص كثيرين رافضين علاقتهم ببعض لذلك يسعون إلى إنهاء تلك العلاقة، معقبة: “ربنا يعلم أنا عملت معاه ايه لما دخل السجن”.

وتابعت المطربة الشعبية: “هو عارف الحقيقة.. هو عارف أن أنا عمري ما هسيبوا أكيد أنا عمري ما سيب جوزي اللي دخل فى مشكلة بسببي أو عشاني.. عشان يحمي مراته اللي هى عرضه وشرفه.. وهو عارف أن عمري ما هسيبوا فى وقت زي ده".

وواصلت: "الناس تقول ده جوزها محبوس وهي بتطلع تشتغل وعايشة حياتها..
هو بالنسبه ليكوا دي عيشةّ.. أنا بعمل شغلي عشان ده اللى المفروض أعمله".

وأكدت أن الانفصال حصل بشكل مفاجئ ودون أي مقدمات أو حوار بينهما، ولكن كل طرف منهم تفهم وجهة نظر الآخر فيما بعد، قائلة: “هو قالي إيه اللي كان بيتقاله.. وأنا قولتله أنا عملت إيه بردوا.. هو كان طالع نفسيًا مدمر من اللي حصله ومش متزن بسبب اللي شافه”.

واستطردت: “احنا علاقتنا زي الفل مرجعناش بس لو هنرجع الناس كلها هتعرف.. هو فى موقف لا يحسد عليه محدش يتمناه لألد أعدائه فهو دلوقت فى حتة الناس كلها شغالة على ودانه عشان هما مش عايزنا مع بعض”.

ووجهت لطليقها رسالة: “هشام أنت عارف إني مشوفتش حد وقف جنبي زيك..  مشوفتش حد جدع زيك ولا في رجولتك ولا هشوف وأنت تستاهل كل حاجة حلوة فى الدنيا على قد ما أنت كريم وطيب".

وتابعت "أنا مشوفتش حد فى نضافة هشام.. إحنا بنشوف في مهنتنا ناس كتيرة رجالة بس بجد مشوفتش حد فى طيبة قلبه وهو عارف الكلام ده”.