كريم فهمي: السوشيال ميديا عملت للرخيص قيمة

أكد الفنان كريم فهمي، أنه لا يحب السوشيال ميديا، قائلًا: "هاجمتها لما كنت بكتب على فيسبوك، وقلت إنها عملت للرخيص قيمة".

وأضاف كريم فهمي، خلال لقائه مع الإعلامية أميرة بدر، ببرنامج "أسرار"، على شاشة “النهار”: "السوشيال ميديا سلاح ذو حدين، وممكن تكون مؤذية أحيانًا، وأنا بصراحة ما بفهمش الصراع اللي بيحصل فيها"، موضحًا أنه كتب في الماضي منشورات هاجم فيها السوشيال ميديا، إلا أنه أدرك لاحقًا أن ليس كل الآراء يجب نشرها.

موقف كريم فهمي من السوشيال ميديا

وأوضح كريم فهمي أن جيله تعلم استخدام السوشيال ميديا بالتجربة لأنها لم تكن موجودة من قبل، قائلًا: "الحقيقة مش كل حاجة ينفع تتكتب، دي من الحاجات اللي اتعلمناها في السوشيال ميديا، إحنا جيل السوشيال ميديا اتولدت على إيدينا، ما كانتش موجودة وبقت موجودة، فالجيل الأصغر لو قلت له ما كانش في سوشيال ميديا زمان هيستغرب، فإحنا اتعلمنا معاها إن مش كل آرائك ينفع تقولها".

وتابع: "فكرة اللجان بتستفزني أوول، وأنا من أوائل الناس اللي اتكلمت عن موضوع اللجان، كنت بتهاجم منها، الفكرة إن ممكن حد يسلط لجنة على تفصيلة صغيرة عندك وسط حاجات حلوة كتير، فتتحول لقضية كبيرة".

اقرأ أيضًا:

"ماشي يا ألفا".. أيمن بهجت قمر يسخر من جدل "الأعلى مشاهدة"

محمد سامي يرد على ياسمين عبدالعزيز: "كنتِ فين من أول رمضان يا غالية؟"

محمد سامي يشتبك مع عمرو سعد: "جعفر العمدة الأعلى مشاهدة"