ميدو: "أنا راجل بصلي.. ولو دخلت النار هازعل"

علق الكابتن أحمد حسام ميدو على أزمة شيكابالا وحسن شحاتة السابقة قائلاً: "بقول لحسن شحاتة، شيكابالا في النهاية ابنك ومش أنا اللي أنصح كابتن حسن".
 وقال كابتن ميدو خلال استضافته ببرنامج "أسرار" مع الإعلامية أميرة بدر المذاع على قناة النهار: "ما ينفعش لاعب عندي وأنا مدرب يشتمني رغم إن أنا راجل مسامح، وما نتمناش حد بقيمة كابتن حسن جمهور ناديه يشتمه، بس نفسي كابتن حسن شحاتة يتخطى الأمور".

محرك الزمالك

وأضاف كابتن ميدو قائلاً: "ممدوح عباس مش هو اللي بيحرك الزمالك، لكن كابتن حسين لبيب هو اللي بيقود وممدوح عباس بيساعد ماديًا، وحسين لبيب رجل قوي ومدير".

واستطرد قائلًا: "إبراهيم سعيد كلمني بعد البودكاست قالي يخرب بيتك فضحتنا قولت له أنت فاكر الناس فاكراك مؤدب، ومحمد صلاح مش حاطط ابراهيم سعيد في دماغه، هو بيقول كدا عشان سألوه في الميديا عشان صلاح نجم كبير، وفي حاجات بتجيب مع الناس".

أموال الاتحاد الدولي

وتابع ميدو قائلاً: “رئيس الاتحاد بياخد فلوس من الاتحاد الدولي، لكن فيه مشكلة إن مفيش حد معاه رخصة برو عشان نحل مشاكلنا، وأنا ما بحبش الكدب ولو كابتن علاء معاه البرو يطلعها وأنا اروح أبوس دماغه، وحسام حسن مش معاه رخصة برو ولازم ياخذها عشان يحضر الماتشات”.

أضاف ميدو: مفيش حد هينزل مع حد التربة وكل واحد هينزل لوحده، وأنا راجل بصلي وبعامل الناس باحترام ولو دخلت النار هازعل".

برنامج "أسرار"

برنامج "أسرار" تقدمه الإعلامية أميرة بدر على شاشة النهار يوميًا في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.