وكيل "حقوق النواب" عن حريق استوديو الأهرام: أداء حكومي ضعيف

استنكر وكيل لجنة حقوق الإنسان بمجلس النواب، عضو تنسيقية شباب الأحزاب والسياسيين، محمد عبد العزيز، ظاهرة تكرار الحرائق بالمنشآت العامة سواء حيوية أو تجارية أو سكنية، على خلفية حريق هائل باستوديو الأهرام للتصوير السينمائي بمدينة الجيزة، امتد الى العديد من الوحدات السكنية المجاورة.

وكتب عبد العزيز عبر صفحته الرسمية على فيسبوك: "تكرار حوادث الحريق في منشآت عامة سواء تجارية أو صناعية أو سكنية مع ضعف تعامل مؤسسات الطوارئ المعنية بذلك يؤكد أن هناك أزمة".

أضاف، "مش هينفع كل حاجة نقول إن الحرائق بتحصل في كل مكان في العالم، ومش هستنى تجيب لي فيديوهات لحرايق غابات استوائية ولا حاجة لأن أكيد دي حالة مختلفة عن اللي إحنا بنتكلم فيه".

تابع، "استوديو تصوير من أقدم وأهم الاستدوديوهات في الشرق الأوسط مليان أخشاب ومستلزمات ديكور ومفيش احتياطات سلامة وأمان تكافئ العدد اللي موجود أو نوعية الديكور اللي موجودة، يبقى فيه مشكلة".

أردف عضو تنسيقية شباب الأحزاب، "منظومة التعامل مع الطوارئ كلها محتاجة مراجعة لأننا بقينا بنتكلم في بديهيات كل مرة وكل موقف،  مش كافي أبدا تحرك الوزراء المعنيين بعد الحادثة لمباشرة التعامل على الأرض مع الحادثة، المشكلة الحقيقية هي اشتراطات السلامة وتطبيقها اللي تمنع تكرار هذه الحوادث أصلا من بدايتها قبل ما تتحول عقب سيجارة ولا شرارة في خشب لكارثة كل مرة".

اختتم مهاجما الحكومة:، "الأداء حكومي ضعيف لا يليق أبدا بدولة بحجم مصر".