سخرية لاذعة لـ نيقولا معوض في "الحشاشين".. يتقيأ الشعر ولا يقرأه

انتقادات لاذعة وجهها متابعو مسلسل "الحشاشين" للنجم نيقولا معوض، بعد ظهوره بشخصية "عمر الخيام"، في أحداث المسلسل.

انتقادات لاذعة

وتداول نشطاء مواقع التواصل الاجتماعي منشورات ساخرة عن شخصية عمر الخيام في "الحشاشين".

كومبارس

دونت علياء المحمدي، منشورًا ساخرًا، قائلة، "عمر الخيام داخل سمرقند بيقول جميلة سمرقند، بيبص لقى 3 ماسكين واحد بيعجنوه عشان فيلسوف ومن أتباع ابن سينا، فدخل عليهم بمنتهى الهدوء وقالهم: هو عشان فيلسوف يبقى كافـر؟ قالوا له لا ومن أتباع ابن سينا.. فقالهم الله يرحمه، فالمفروض يضربوه هو كمان.. بس لأ بصوا له بـ غِل وكملوا ضرب في الراجل عشان عمر الخيام ده celebrity إنما التاني ده كومبارس عادي.. فعلًا جميلة سمرقند".

الخيام والشرنوبي

ونشرت بسمة الخولي صورة للفنان محمد الشرنوبي، ودونت عليها تعليقًا ساخرًا قائلة، “ ممالك بتنهار وممالك بتطلع وشدة مستنصرية ومؤامرات وحسن الصباح قلب loki variant فجأة، وخناقات ومعارك وعفاريت ومبايعات وضرب وخبط وهيصة..عمر الخيام طول المسلسل، “كما لو كان غير مباليًا” في إشارة لصورة الشرنوبي”.

لا تاريخ

فيما دون حساب باسم وليد جيفا منشورًا ساخرًا، " مفيش تاريخ ومش لازم يبقى فيه تاريخ أصلا في مسلسل الحشاشين، بس فيه دراما وعظية متعاصة صوفية واسقاطات سياسية لازم تطفحها بالمعلقة وانت قاعد بتشرب "عمر الخيام" في ديكور شكله حلو لأن نيقولا معوض ده مستحيل يكون أكتر من مشروب عمر الخيام مش عمر الخيام نفسه".

يتقيأ الشعر

وكتب مجدي سرحان قائلًا، " ممثل يؤدي دور عمر الخيام في مسلسل الحشاشين.. يتقيأ الشعر ولا يقرأه.. بلا أدنى إحساس أو فهم للمعاني.. بالمناسبة ما يلقيه هو شعر أحمد رامي وليس شعر عمر الخيام".

فصلان!!

ودونت رباب القاضي منشورًا قائلة، "مشكلتى مع نيقولا معوض في دور عمر الخيام مش شكله زى ما كتير قال لكن مشكلتى معاه إن صوته Monotonic في كل المشاهد يعنى بيتكلم بنفس طبقة الصوت في كل المشاهد، يعنى إلقائه لشعر عمر الخيام بيقوله بنفس الـtone اللى بيكلم بيه صاحبه أو مراته، ده غير إن وشه Mask face يعنى تعبيرات وشه كلها واحدة لا حب و لا انفعال و لا غضب ولا سعادة كله واحد، شكل واحد و تون صوت واحد و حاجة فى منتهى الفصلان بصراحة".

شخصيات عمر الخيام

يذكر أن عدد  من الفنانين قدموا شخصية عمر الخيام في عدد من الأعمال الفنية،  ومنهم نيقولا معوض في “الحشاشين”، يوسف الخال في "سمرقند" ، جهاد سعد في “عمر الخيام”، فايز قزق في “عمر الخيام”.