أرملة حلمي بكر مهاجمة مصطفى كامل ونادية مصطفى: شوها سمعتي لأخذ ألحانه

كشفت سماح القرشي، أرملة الموسيقار الراحل حلمي بكر، عن سر لم تفضحه من قبل حول حالته الصحية، وما روج عن مساندة نقيب الموسيقيين له في محنته الأخيرة قبل وفاته، أيضا أسباب عدم ظهورها في البرامج الحوارية بعد انفصالهما 2016.

وقالت القرشي في برنامج “القاهرة اليوم” مع الإعلامية نانسي مجدي على شبكة تليفزيون ألفا، إن الراحل حلمي بكر لم يستنجد بنقيب الموسيقيين مصطفى كامل إلا مرة واحدة في عام 2019، من خلال برنامج "شيخ الحارة"، مضيفة أن “كامل” كان يستغل بكر، "لازم نذكر محاسن موتانا، والأشخاص دول كانوا بيستغلوه، ولن أسمح لأي حد يقدم أي إساءة لحلمي، ولا أنا عمري قدمت له إساءة ولا غيري وأنا موجودة في حياته".

نادية مصطفى تقود الحملة

وعن تصريحات نقيب الموسيقيين مصطفى كامل والفنانة نادية مصطفى خلال الفترة الماضية حول تعذيبها حلمي بكر، قالت، "كان فيه كلام بإن الراحل كان بيتم تعذيبه فكدا عيب، ونادية كانت بتزور الأستاذ في البيت مرة واتنين، وكانت بتشكرني وتقولي تسلمي يا أصيلة، وفي أثناء الهجوم الشرس عليا في الأوبرا بعد الانفصال عنه، كانت نادية بتقود الحملة بجرأة".

تابعت، "هما مستفيدين من الحملة ضدي إنهم ياخدوا ألحان من المكتب بتاع حلمي بكر، وحاجات تانية كتير، وأكتر توقيت كان فيه استغلال أثناء نومه على الفراش مريض، بأنهم ياخدوا صور معاه ويبعتوا لصحابهم برة، ويطلع تريند، وعلشان كدا الأستاذ حلمي طلب مني أقفل عليه وممنوع حد يدخل ولا يتصور معاه".

عدم ردك كسرني

أضافت، "حلمي بكر لما عمل برنامج ناس حواليه عملوا خطة لتشويهي من خلال إن الإعلام، بحجة إن ده يقدر عليا، لأنهم مش قادرين عليا، وحلمي بكر طلع اتكلم عني بطريقة سيئة وقتها لأننا كنا في خلافات زوجية، وأنا سيبت لهم كل حاجة علشان عندي بنت لازم أربيها كويس، لكن سرعان ما الأستاذ راجع نفسه واعتذر ليا، وقال مش تردي عليهم، لأن عدم ردك في 2019 كسرني، لكن في الوقت الحالي كسّرت كلامه ورديت، وهما في العزاء ردوا على كلامي، ووصيه حلمي بكر بلاش تردي على حد، بلاش يعلوا على اسمي، بلاش تديهم الفرصة دي".