شوبير يكشف مفاجأة بشأن موقف توروب من الرحيل عن الأهلي

أكد الإعلامي أحمد شوبير، أن الدنماركي ييس توروب، المدير الفني للفريق الأول لكرة القدم بالنادي الأهلي، يرحب بالتفاوض مع إدارة القلعة الحمراء، للوصول لحل وسط لفسخ التعاقد والرحيل.

وقال شوبير في تصريحات عبر إذاعة "ON sport FM": "لما اتكلمت قبل كده وقلت إن الأهلي ما بيعرفش يعمل عقود، ناس كتير هاجمتني، لكن دلوقتي واضح إن فيه مشكلة حقيقية، وده باين جدًا في ملف توروب.. الموضوع مش شرط جزائي وخلاص، دي أزمة أكبر وبنود مش في صالح النادي".

شوبير: الأهلي سيدفع لتوروب 6 ملايين يورو حال إقالته

وتابع: "العقد الحالي بيجبر الأهلي يكمل مع المدرب لحد بداية الموسم الجديد، وحتى لو عايزين يمشوه، ده مش سهل خالص، الأهلي مش هيقدر يدفع 6 ملايين يورو، ولو قرر يفسخ بدري هيدفع قيمة العقد بالكامل، يعني الموسم الأول والتاني".

وأوضح: "في محاولات لحل وسط وإنهاء أزمة عقد توروب، بعد نهاية الموسم، لكن الأمور معقدة بسبب بنود العقد، وده مش أول ملف، في قضايا زي ريبيرو قبل كده ووصلت لأحكام من الفيفا، وده بيأكد إن فيه أزمة واضحة في ملف التعاقدات داخل الأهلي".

شوبير: توروب يرحب بالتفاوض لفسخ عقده مع الأهلي

واختتم تصريحاته قائلًا: "تواصلت مع شخص مقرب من ييس توروب، أكد لي إمكانية الجلوس والتفاوض للوصول إلى حل وسط لفسخ التعاقد، لكن بنود العقد بتدي المدرب الحق في الاستمرار حتى بداية الموسم الجديد، ولو الإدارة قررت إقالته قبل كده، لازم تدفع 6 ملايين يورو كشرط جزائي".

اقرأ أيضًا: 

ورطة في دفاع الأهلي قبل قمة الزمالك.. من يعوض غياب محمد هاني وياسر إبراهيم؟