بعد قص ضفائره.. ماذا قال أحمد سعد عن ظهوره بإطلالات غريبة؟

أثار الفنان أحمد سعد، حالة من الجدل عبر مواقع التواصل بعدما قص ضفائره على الهواء، معلنًا تراجعه عن التصرفات والإطلالات الغريبة.

سبب ظهور أحمد سعد بـ إطلالات غريبة

وفي وقت سابق، استضاف الإعلامي عمرو أديب، أحمد سعد في برنامجه "الحكاية" المذاع على قناة "MBC مصر"، موجهًا له سؤالًا عن سبب ظهوره بإطلالات تثير الجدل بشكل دائم.

ورد أحمد سعد قائلًا: "اللبس والإطلالات الغريبة دي جزء من شغلي، يعني الشكل ده أنا مش بخرج بيه مع أولادي، ولو أنا مش بشتغل مغني مكنتش هلبس كده ولا أغير من شكلي".

وتابع: "أنا مبعملش حاجة حرام ولا بتشبه بالنساء، أنا لاقيت دقني طولت فقولت إيه يعني لما أضفرها؟ وأنا أول حد ضفر دقنه في التاريخ بعد الهنود الحُمر، أنا بحب أعمل حاجات تثير الدهشة".

توبة أحمد سعد

ونشر أحمد سعد، مقطع فيديو عبر منصتي "فيسبوك"، و"إنستجرام"، قال خلاله: "عايز أقولكم بصراحة إن أنا عايز أعمل حاجة مهمة جدًا جدًا، وعايزكم تساعدوني عليها، أنا خلاص تبت عن أي حاجة غريبة، ومش هعمل أي حاجة غريبة تاني تزعل جمهوري اللي بحبه".

وأضاف أنه يدرك أن البعض قد يتساءل عن تكرار اعتذاراته، إلا أنه حريص على عدم إغضاب جمهوره مرة أخرى، قائلًا: "مش مهم إنتوا هتقولوا إيه، المهم إن أنا مش هخلي جمهوري زعلان مني في أي حاجة تاني في حياتي".

وتابع أنه لا يرى أن ما كان يفعله يُغضب الله، لكنه أصبح أكثر اقتناعًا بأهمية احترام العرف المجتمعي، موضحًا: "أنا طلعت وقلت إن أنا مش مزعل ربنا، لأن فعلًا عرفت إن كل حاجة مش حرام، ولكن أنا عايش وسط مجتمع، والمجتمع ده أعتقد إن العرف فيه شيء مهم جدًا".

وشدد أحمد سعد على رغبته في الابتعاد عن أي أمور مثيرة للجدل خلال الفترة المقبلة، قائلًا: "مش هعمل حاجات غريبة، عايز أعيش في سلام وأبقى إنسان طبيعي جدًا، حتى لو شغلتي بتخليني أعمل كدة".

اعتذار أحمد سعد

ووجّه رسالة اعتذار جديدة إلى جمهوره، مضيفًا: "عايز أقول للناس كلها اللي زعلت مني وقالتلي هو عامل كدة ليه، سامحوني للمرة العشرين ألف".

قص شعر أحمد سعد

ولفت أحمد سعد الأنظار خلال الفيديو بقيامه بقص الضفائر التي كان قد ظهر بها مؤخرًا وأثارت جدلًا واسعًا بين المتابعين، في خطوة اعتبرها البعض رسالة عملية تؤكد تراجعه عن الإطلالات التي تعرض بسببها لانتقادات خلال الفترة الماضية.

اقرأ أيضًا:

"قص ضفايره على الهوا".. أحمد سعد: "مش هعمل حاجات غريبة تاني"

"مينفعش أتجوز تاني".. أحمد سعد يحسم الجدل بشأن انفصاله عن علياء بسيوني