بسمة بوسيل عن رجوعها لتامر حسني: "حلم هيتحقق"

تحدثت المطربة بسمة بوسيل عن حلمها بعودة الفنان تامر حسني لها بعد الطلاق، كما كشفت عن السبب الحقيقي وراء انفصالهما.

حياة صعبة

وقالت بوسيل، خلال لقائها ببرنامج “ع  المسرح" المذاع عبر قناة الحياة، “بعد طلاقي من تامر حسني اتحررت من حاجات كتير أوي كانت عاملة ليا ضغط، لايف استايل بتاعت تامر صعبة أوي ومتعب جدا وفيه حاجات مكنتش بعرف أعملها، خاصة وأنا معايا 3 عيال، واتحررت من حاجات كتير عملالي ضغط بعد الطلاق”.

أضافت “العودة مرة أخرى لتامر حسني حلم وهيتحقق، إحنا كنا وصلنا لمرحلة مكناش بنعرف نتكلم، طبيعة شغل تامر كمان صعبة ودايمًا محتاجة مجهود، لكن اكتشفت إن المشكلة فيا أنا بتعلق جدًا بالأشخاص، ودي أزمتي”. 

تابعت “وافقت إن ألبومي مينزلش لإني لما أعلن زواجنا أنا وتامر حسني كان هناك حملات غريبة على الإنترنت، وقتها تامر كان من باب الحماية وإن محدش يتكلم عني بطريقة مش كويسة نعطل خروج الألبوم، وأنا كمان كنت خايفة من نزول الألبوم، وحبي لتامر حسني كان أكبر من حلمي في الغناء، اللي أتحقق أول ما جيت مصر وعملت ألبوم مع محسن جابر”.