ياسمين وافي: لهذا يوصف أحمد زكي بـ"الملبوس"

في ذكرى رحيل العملاق أحمد زكي ال 19، ياسمين وافي تكشف عن سر وصفه بكلمة "الملبوس" وعينه تخوف، خلال تصريحاتها الخاصة لموقع تليجراف مصر.

أحمد زكي كاريزما طاغية 

حيث قالت ياسمين ممدوح وافي أن الفنان أحمد زكي كان له هيبة وكاريزما خاصة طاغية للغاية، قائلة "لدرجة اللي يبص في عينه يخاف منه.. وأنا لما كنت بسمع الكلام ده وأنا صغيرة في لقاءات تليفزنية فكنت بقول: عمو أحمد ده جميل ودمه خفيف، طول ما هو قاعد بيغني ويدندن، ده سكر، واحيانا كان بيقعد يرتجل فيعمل شخصية دمياطي أو صعيدي، شوية إسكندراني و شوية فلاحي، فطول ما هو قاعد بيهزر ويضحك".

سر لقب الملبوس لأحمد زكي 

وتابعت ياسمين أنها عندما كانت في الصف الأول الثانوي، بدأت تغير نظرتها، بسبب موقف حدث أمامها، حيث كان الفنان أحمد زكي ووالدها الفنان ممدوح وافي، ومنير رامز ومشاهير آخرين يجلسون في السلامليك في الإسكندرية، من أجل اعداد فيلم بعنوان "نقيب العذاب " من كتابة لبيب رامي.

وأضافت ياسمين ممدوح وافي: "كان لبيب رامي هو اللي كاتب الفيلم فكانوا بيتناقشوا، فهو سرح وكان له نظرة كده في عينه أما بيركز أو يحاول يوزن الأمور في دماغه، أو يفكر أو يسرح في حالة فنية، أو يفكر التجربة دي هتكون صح او غلط، فعينه بيبقى فيها نظرة هي مش تخوف زي ما هو بيقولوا بس تحسي انك بتبصي في بير مش عارفة تشيلي عينك من عليه، ففهمت ساعتها ليه أن في ناس بتقول عليه عينه عاملة زي روزبتين، أو فيها حالة إنك تحسيه ملبوس، لكن هو طبعا  قمر، ده كان طفل كبير الله يرحمه هو وبابا".

وأكدت ياسمين وافي أنها أحيانا تحزن كثيرا لعدم وجود هواتف خلوية في ذلك الوقت من أجل تصوير أرشيف عن العملاقان أحمد زكي وممدوح وافي، قائلة: ساعات بكون زعلانة لأن كنت بتمنى أن يكون في موبايلات عشان  ناس كتير  نصورها ب لموبايلات، وبالذات وبابا وعمو أحمد عشان الناس تشوف  كواليس الوجه الآخر الطفولي الطيب أوي اللعبي الشقى، كان نفسي كل ده يتصور ويتشاف، لأن هما كانوا جمال أوي، وقعدتهم كانت ماتتوصفش.. أنا كنت محظوظة".