علاء مرسي: "أنا أذيت موهبتي بسبب المجاملات"

تحدث الفنان علاء مرسي خلال لقائه ببرنامج “ع المسرح” للإعلامية منى عبد الوهاب، عن سبب تدمير موهبته.

وقال مرسي، إن “أهم شخصية عرقلت طريقي هي علاء مرسي، أكتر حد أذاه هو أنا، أول حاجه بالمجاملات وديه مصيبة، أذيت موهبتي بسبب إن لم أعلم موهبتي بقدر الكفاية، كنت بقول على كل حاجه حاضر في التمثيل، بس أنا مشيت مع تيار المجاملة”.

وتابع “استهلكت موهبتي في أشياء تدمرها، في أدوار مجاملة بشكل كبير، أصبحت شئ معتاد وسهل، علاء مرسي هيجي في أي دور ومش هيعمل مشاكل، وممكن يلاقوني مجنون لو حسيت إني مستغل، لو حد بيكذب عليا بتحول عليه”.

وأضاف “بنصح كل الشباب أوعى تعمل زي علاء مرسي، بس أتعلم زيه وأجتهد زيه، ولو معملتش جزء المجاملة، وعملت اجتهاده هتبقى شئ عظيم، وأنا فوقت متأخر شوية، اللحظة اللي فوقت فيها في اليوم اللي اكتشفت إني محتاج أخد بيت لولادي وإني معيش فلوس بعد 40 سنة شغل”.

آخر أعمال الفنان علاء مرسي

ويعد مسلسل “عتبات البهجة” هو آخر أعمال الفنان علاء مرسي، والذي تم عرضه في النصف الأول للموسم الرمضاني 2024، وضم العمل مجموعة كبيرة من أبرز الفنانين ومنهم،يحيى الفخراني، جومانا مراد، صلاح عبد الله، عنبة، خالد شباط، صفاء الطوخي، سما إبراهيم، هشام إسماعيل، وفاء صادق، حازم إيهاب، يوسف عثمان، ليلى عز العرب