"لص بدرجة ندل كبير".. سرقة شقة مواطن مغترب وابتز زوجته بصورها الخاصة

نصب

أدهم منصور

A . .A

استغاث شاب يدعى محمد مصطفى، مواطن مقيم خارج مصر، لتعرض شقته للسرقة منذ 3 سنوات وسرقة مقتنيات شخصية منها فلاشة تحتوي على صور له ولزوجته، تطور الأمر لاحقاً إلى ابتزاز وتهديد زوجته بصور خاصة ومطالبته بمبلغ مالي مقابل عدم النشر.

مواطن يستغيث لتعرضه لابتزاز بصور شخصية له ولزوجته

وتواصلت “تليجراف مصر” مع الشاب ليروي تفاصيل الواقعة قائلا:"أنا مسافر برة مصر أنا ومراتي بسبب ظروف شغلي، وما كانش فيه حد في البيت، فشقتي اتسرقت تماماً من 3 سنين.. وكان من ضمن المسروقات فلاشة عليها صور فرحي وصور شخصية لمراتي".

وأضاف: "لما اكتشفنا السرقة عملنا محضر واتهمنا شخص بعينه باسمه وعنوانه بكل حاجة. بس عشان ظروف شغلي وعدم تواجدي على طول اضطرينا نسافر، وللأسف المحضر اتحفظ، واستعوضنا ربنا".

جاحة ما فيش بعد كده

وتابع: "الشخص ده بعد السرقة كل فترة كان يبعت من إيميلات مزورة وأرقام مش باسمه، وكنا بنعمل بلوكات، بس من 4 شهور طلع بالأكونت بتاعه الشخصي باسمه وبصوته وبكل حاجة، ونزل فيديو فيه بجاحة ما فيش بعد كده".

وأوضح أنه توجه مرة أخرى لعمل محضر في مباحث الإنترنت، و"جابوا التتبع بتاع الشخص نفسه، نفس المتهم في قضية السرقة. جابوا اسمه ومكانه ورقم بطاقته واسم والدته ولسه متمش القبض عليه".

طلب من مراتي 100 ألف

وكشف المواطن عن تطور خطير في الواقعة قائلاً: "بعد كده كلمني وطلب من مراتي 100 ألف جنيه وهددها بصورها وابتزاز لها، فخرجت مراتي بره الموضوع نهائي وبقيت أنا اللي بكلمه، هو كان فاكر إنها مش هتقولي وهتبعتله الفلوس اللي هو عايزها، بس مراتي طبعاً قالتلي فوراً".

وطالب المواطن بسرعة القبض على المتهم واتخاذ الإجراءات القانونية، قائلاً: "أنا بطالب بس إن حقي يرجع وإن الشخص ده يتمسك، ما ينفعش نسكت، لازم الموضوع يوصل لأي حد يساعدنا".

20 مليون جنيه.. ضبط شخص والبحث عن شقيقه لاتهامهما بالنصب على 5 سيدات بالتبين