أول تعليق من مصور فيديو الحصان الهارب: "صاحبه ركب موتوسيكل عشان يلحقه والأمن سيطر"

تداول مستخدمو مواقع التواصل الاجتماعي مقطع فيديو لحصان وهو يجري هاربًا من مالكه على أحد الطرق السريعة، وكاد أن يتسبب في كارثة وسط زحام السيارات. 

القصة الكاملة لفيديو الحصان الهارب على الكوبري

وظهر مصور مقطع فيديو الحصان وهو يقول في مقطع الفيديو: “الحصان هرب الحصان بيجري يا جدعان حد يوقفه بسرعة.. يا مصر بتعمليها إزاي”، حيث طالب سائقي العربيات والموتسيكلات بالتوقف وقطع الطريق للإمساك بالحصان الهارب. 
 

وكشف وسيم عزازي، مصور مقطع الفيديو، كواليس ما حدث من البداية وحتى عودة الحصان لمالكة وتدخل الأمن.  

وقال عزازي لـ تليجراف مصر: “وأنا راكب الموتوسيكل وماشي شوفنا حصان هرب من صاحبة وجري بسرعة من أول كوبري 15 مايو حتى نازلة كوبري الزمالك وهناك تم حصاره وإمساك الحصان”.

وأضاف: “صاحب الحصان أول ما جري منه ركب موتوسيكل ومشي وراه علشان يمسكه، وبعد ما صاحب الحصان مسكة الأمن وقفه وقام بالسيطرة على الموقف بالكامل”.

وأشار عزازي في حديثه إلى إنه لم تكن هناك خسائر في الأرواح أو حوادث وقعت بسبب الواقعة قائلًا: “الحمد لله مفيش خسائر في الأرواح، والحمد لله إننا عرفنا نسيطر على الموقف، والأهم إن الناس كلها اتجمعت وقت الخطر، وكل واحد حاول يساعد على قد ما يقدر”. 

وتابع: "طبعًا كل الشكر والتقدير لرجال الأمن اللي تدخلوا في النهاية وسيطروا على الموقف، أنا موثّقتش اللحظة عشان أعمل منها بطولة، ولا عشان أخوّف حد…أنا وثّقتها عشان رسالة واحدة بس وهي إن
وقت الكارثة، ما تسيبش اللي جنبك اتجمعوا ساعدوا بعض وسيبوا الخوف على جنب، إيد لوحدها ممكن ما تعملش كتير، لكن إيدين الناس كلها مع بعض تقدر تلم أي موقف".
 

واختتم مصور مقطع فيديو الحصان: “الحمد لله إنها عدّت على خير، وربنا يحفظنا ويحفظ كل الناس من كل سوء”.