قبل جلسة استئناف القاضي المتهم بقتل طليقته على حكم المؤبد.. ماذا قالت ابنته بالتحقيق؟

تنظر المحكمة المختصة، اليوم الأحد، استئناف القاضي المتهم في القضية المعروفة إعلاميًا بـ"القاضي قاتل طليقته" على الحكم الصادر بمعاقبته بالسجن المؤبد، على خلفية اتهامه بقتل طليقته في مدينة 6 أكتوبر.

استئناف القاضي المتهم بقتل طليقته بأكتوبر على حكم المؤبد

وكانت قد كشفت ابنة القاضي السابق المتهم بإنهاء حياة طليقته، تفاصيل صادمة حول علاقتها بوالدها وما تعرضت له الأسرة بعد الانفصال، وذلك في أول تعليق لها على الواقعة.

تفاصيل الواقعة

وقالت الابنة في تصريحات خاصة لـ“تليجراف مصر”: "ماما كانت أهم حاجة في حياتي أنا وإخواتي ومحدش عرفنا طريقة وفاة ماما غير بعدها بأسبوعين وقالوا لينا إنها ماتت في حادثة لأننا كنا في صدمة بسبب وفاتها".

وتابعت: “من وقت ما أمي ماتت وأنا نفسيتي وحشة جدًا علشان أنا طول حياتي معاها ومليش غيرها حتى من قبل ما تتطلق كان هو مش شايل هم أي حاجة ومكنتش بشوفه خالص غير وهو بيلعب في الموبايل وهي كانت شايلة البيت كله”.

بابا كان هيقتلنا مرتين

وأضافت: “أنا مفيش حاجة في الدنيا هتعوضني عن مامتي أبدًا وهو كذب لما قال إن ماما مكنتش بتخليه يشوفنا والله العظيم الكلام ده غلط هو اللي كان عامل لينا بلوكات أساسًا، كنت بقعد كل يوم أعيط لماما أن أنا نفسي يكون ليا أب زي صحابي فماما علشان هو كان عامل بلوكات لينا كلنا جابت رقم جديد وخلتني أكلمه وفضلت أعيطله وأتحايل عليه وقولتله والنبي خليك معانا.. أنا نفسي يكون ليا أب وهو ولا كان فارق معاه، وفي مرة وافق أننا نروح نزوره في البيت وكان إخواته موجودين في البيت وقعدنا معاه واحنا نازلين تاني يوم لماما علشان جت تاخدنا قال على ماما لفظ مش حلو قصادنا وإحنا زعلنا وقولنا لماما”.

"ضرب ماما في الشارع حتى تيته جت تدافع عنها ضربها"

وتابعت: "لقيته نازل ورانا هو وإخواته ونازل يضرب ماما في الشارع حتى تيته جت تدافع عنها ضربها هي كمان وبعدها ماما مشيت ومعملتش محاضر وراحت المستشفى علشان كانت متعورة، كان هيقتلنا مرتين وفي مرة كنا على النيل معاه لقيته فجأة شالني وكان عايز يرميني أنا وإخواتي في النيل وأنا فضلت أصرخ لحد ما الناس اتلمت علينا وأنقذونا، وفي مرة وأنا معاه في البيت فضل مسهرني طول الليل يكلمني عن ماما كلام وحش جدًا جدًا أنا مش فاهمة هو بيقول كدا ليه وأنا قولتله ماما مستحيل تعمل كدا راح طردنا من البيت في الفجر ونزلنا الشارع وكلمت ماما تيجي تاخدنا".

واختتمت حديثها قائلة: “بابا كان هيقتلنا مرتين”، وأكدت أن ما تعرضوا له لم يكن مرة واحدة بل تكرر أكثر من واقعة بحسب روايتها.

اقرأ أيضًا:

"مش هيسيبها تعيش بعيد عني".. شقيق ضحية القاضي السابق يكشف كواليس ما قبل الجريمة (خاص)

"كان عايز يرمي ولاده في النيل".. شقيق ضحية القاضي السابق يكشف وقائع صادمة (خاص)