مسلم عن طليقته: متجوزناش عن حب.. واتشهرت بسببي

كشف مطرب المهرجانات مسلم، كواليس طلاقه من ميكا البغدادي، أم طفله الوحيد، والأزمة الشهيرة بينهما وخلافاتهما على السوشيال ميديا.

وقال مسلم في لقائه مع الإعلامية أميرة بدر في برنامج "أسرار" المذاع على شاشة "النهار" : مؤخرا قصصي الشخصية بقت مغطية على فني، ولكن أنا زي أي حد طبيعي بنزل ستوريهات، ولما أعلنت انفصالي عن طليقتي، بعد ما عشنا سوا سنة ونص، عملت كده عشان الناس متفكرش أننا لسه مع بعض، ودلوقت طليقتي بقت مشهورة. اتشهرت بسببي.

وتابع مسلم: أنا مش من الرجالة اللي بيتشهروا يشوفوا زوجة تانية، الحمدلله احنا مرتاحين ماديًا من زمان، وانا لما طلقت، عملت كده عشان مافيش تواصل ما بينا ولا فهم، وكانت صاحبتي واكتشفنا إن دماغنا مش شبه بعض، ولذلك انفصلنا بكل احترام، ابني حتة من قلبي وبشوفه كتير.

وأضاف: أنا بحب الخير لكل اللي حواليّ، وأفتخر بيهم قدام الناس، وأنا ماغرتش من نجاح طليقتي، ولما اتشهرت مأثرش عليا، أنا متجوزتهاش عن حب، لكن هي أكيد كانت بتحبني، لكني بحبها بعشرة مش عن حب اوي، اللي مسرعني عن الجواز والارتباط اني مبحبش امشي غلط عشان كده اتجوزت بدري، لأني راجل شرقي وصعيدي من طهطا في سوهاج، واتعلمت الرجولة والشهامة والأصول ومقصرتش مع أي حد، واتعلمت إن البيت أهم من الفن.

برنامج "أسرار" يعرض يوميًا على شاشة "النهار " تستضيف خلاله الإعلامية أميرة بدر، عددًا من نجوم الفن والرياضة والسياسة والمجتمع، في تمام الساعة التاسعة والنصف مساءً.

مسلم يعلن عن انفصاله من يارا تامر

وأعلن مطرب المهرجانات مسلم انفصاله رسميًا من يارا تامر، وذلك بعد فترة قليلة جدًا من احتفالهما بالخطوبة، وحذف جميع الصور التي تجمعهما معًا، وكتب مسلم عبر خاصية “ستوري” بحسابه الرسمي بموقع الصور والفيديوهات انستجرام، قائلًا: خلصت يا جماعة، مشيرًا إلى انفصاله من يارا.

طلاق مسلم

وهذه ليست المرة الأولى التي يعلن فيها مسلم عن انفصاله، بل أعلن منذ فترة قصيرة طلاقه من ميكا البغدادي ، وذلك عبر حسابه الرسمي بموقع الصور والفيديوهات انستجرام، قائلًا:" الحمد لله على كل شيء، الحمد لله تم الطلاق رسمي بيني وبين ميكا البغدادي، للأسف مكنتش أحب تكون دي النهاية، ويعلم ربنا إني راعيت الله فيها وتمسكت ببيتي أكثر من مرة."