طارق فؤاد عن أزمته مع شيرين: "قفلت التليفون في وشي"

كشف الملحن طارق فؤاد، حقيقة غلق المطربة شيرين عبد الوهاب الهاتف في وجهة يوم عيد مولده أمام أسرته.

وقال فؤاد، خلال برنامج "العرافة" مع الإعلامية بسمة وهبة الذي يعرض على قناة "المحور"، إن "الحوار دا حصل من زمان أوي وهي خلاص صالحتني، وأنا لحنت ليها أغنية، وأخدت أفضل أغنية عربية".

وأضاف أنه "في يوم عيد ميلادي قدام أسرتي قفلت السكة في وشي كانت ساعتها بقت نجمة معروفة، وساعتها صديقي قالي هتكلم مع شيرين قولتله خليها تكلمني وتعيد عليا وافتح مكبر الصوت من أجل أتباهى بها قدام الأسرة، وفجأة لقيتها قفلت السكة، ووقتها أنا قلبي اتوجع".

وتابع الملحن، "مش زعلان جوايا منها خالص، وبعزها وبحبها، وكان الموقف بس وقتها بايخ واتكسفت وزعلت، وأكيد عذرتها قولت لنفسي ممكن كان عندها ظروف، وهي رجعت بعدين في حفلة بررت لي وقالتلي حقك عليا، ومستحيل أعمل كدا تاني، وكانت عاملة مشكلة كمان مع زميل آخر، وشيرين طيبة، وفنانة موهوبة، وخلاص كل دا ماضي واتنسى أكيد".