طارق فؤاد يكشف سرًا عن علاقة بليغ حمدي وعبد الحليم حافظ

كشف المطرب والملحن طارق فؤاد عن علاقته بالموسيقار الراحل بليغ حمدي في آخر أيام حياته، وأسراره مع المطرب الراحل عبد الحليم حافظ.

وقال فؤاد، خلال برنامج "العرافة" مع الإعلامية بسمة وهبة، الذي يعرض عبر شاشة قناة “المحور”، إنّه كان يذهب إلى الموسيقار الراحل بليغ حمدي في آخر أيام حياته، معلقا "كنت بفسحه بعربيتي، وعربيتي كانت صغيرة كدا على قدي، وهو بصراحة كان مش بيهتم". 

وأضاف: "كنت بلففه كتير، وباكل معاه سندوتش جبنة رومي علشان يقبل ياكل، وأفضل معاه وأدخله السرير، وكمان كان يثق فيا ثقة عمياء، كنت بسبب الثقة دي بستغرب وبقلق". 

وتابع فؤاد: "كان بياخد رأيي في كل حاجة لدرجة تخليني اتجنن، ودا لأنه عبقري كبير في تاريخ المزيكا كلها، وكلهم كان ليهم شكل مختلف عنه، ولكنه كان متمرد وكسر كل القواعد وعمل كل الأشكال والألوان".

وأتم: "في مرة سألته عن سر فقال لي: عبد الحليم حافظ مرة كان بيغني مع الفرقة وخرج عن لحنها مرة واحدة، فالفرقة وقفت عن التكميل، فمسكه بليغ خنقه من الكرافتة بتاعته، وعبد الحليم قاله رقبتي يا بليغ هتموتني كدا، فقاله أنت فاكر نفسك يعني عبد المطلب، فرد عليه عبد الحليم قال له أقسم بالله ما هعمل كده تاني".