واحد شاي نعناع!

راضي وما آني راضي 
واحكم بينا أنت يا قاضي

ما كتير بحايل وأدادي...

ونفسي سايقاني 
للتوهة وخداني
من غير استئذان ولا حتى تماسي!

ما أنا أصلي فاكر ومش ناسي

لا أماني موجودة 
و لا حكمة موزونة 
والحياة شعارات 
والقصة محسومة

لا صراخ ينفع 
ولا بكاء يشفع

ومصير الحقيقة إنها تفضل دايما مدفونة!

لو مفوقتش لنفسك هتنداس 
والتراب تحت رجلك عمره ما هيبقى ماس 
أصلك شخص نقي وحسّاس 
وللأسف ده مبقاش بيعجب الناس!

وهتعمل إيه يا صاحبي؟!

م أصله فيه ناس غاوية فشخرة 
وفاكرة إن كل حاجة ثمنها فلوس
ومتعرفش إنه مفيش أغلى من رقي النفوس

بس هي مسألة وقت ومبدأ 
وامتى تنهي وامتى تبدأ…