صلاح عبد الله: النقاب مش زي إسلامي.. ولو بنتي لبسته هتبقى مشكلة

تحدث الفنان صلاح عبد الله عن سر رفضه لبرامج المقالب، كما كشف عن رد فعله إذا ارتدت إحدى بناته النقاب.

سبوبة حلوة

وقال صلاح عبد الله خلال لقائه في برنامج “حبر سري”: شاركت زمان في بعض برامج المقالب، ودلوقتي برفض أروحها، وفي برنامج معين كلمني واعتذرت له، هي سبوبة حلوة، ومينفعش أشارك فيها دلوقتي بسبب صحتي.

“خضة” من النقاب

وتحدث صلاح عبد الله عن رفضه النقاب، قائلًا: أنا عارف إن دا هيعمل مشاكل مع المتعصبين، وممكن أتراجع بعده، ولغاية اللحظة دي يعني أي مقدرش أميز الراجل عن الست، ومقدرش آخد بالي مين دخل بيتي بسبب النقاب، ودا حصل معايا وأنا صغير اتخضيت من شكل النقاب، وقناعتي إن الزي دا مش إسلامي.

نقاب ابنته

واختتم صلاح عبد الله: لو بنتي اتنقبت هتبقى مشكلة، هحاول أقنعها، وأقولها اتحجبي، وإنما لدرجة كتلة السواد دي لا معرفش، وأنا مش مربي بناتي على كده، هما ملتزمين بحرية، وأنا مؤمن بالحرية، وهحاول أقنعها بلاش مبالغة.

ضيوف برنامج حبر سري الموسم الرابع

وكانت الإعلامية أسما إبراهيم مقدمة برنامج حبر سري، في موسمه الرابع قد استضافت كلًا من الفنان أمير كرارة وصبري فواز وبيومي فؤاد وأحمدعبد العزيز وأحمد فهمي والكابتن سيف زاهر ومحمود كهرباء والموسيقار صلاح الشرنوبي والمخرج خالد يوسف والمخرج هادي الباجوري والفنانة فيفي عبده وناهد السباعي وريتا حرب وسلاف فواخرجي والفنانة نجوى فؤاد.