دنيا سمير غانم: ابنتي كايلا أبعدتني عن "الكبير أوي"

قالت الفنانة دنيا سمير غانم، إن ابنتها “كايلا” من زوجها الإعلامي رامي رضوان، هي نقطة التحول التي غيرت مسار حياتها، وسر التغير الذي طرأ عليها.

أوضحت غانم خلال بودكاست "بيج تايم" عبر قناة “MBC”، من تقديم عمرو أديب، “حياتي فيها نقاطت تحول كتير، أهمها بنتي كايلا، هي أهم حاجة، شعرت بمسئولية أكبر بعد ولادتها، وبقيت بخاف على نفسي أكتر، يعني دلوقتي لو بعمل حاجة في الشغل وحاسة إن هيكون فيها أي نوع من أنوع الخوف في أي حاجة، مش بعملها بسببها”.

أضافت، "زمان وقت تصوير فيلم (يا أنا يا خالتي) قفزت في النيل عادي، معنديش مشكلة، لكن دلوقتي بعض الإعمال زي (الكبير أوي)، بفكر لأن فيه عيال، والإحساس ده موجود دلوقتي".

اختتمت "النقطة دي -ابنتها كايلا- زودت إحساسي بالأطفال عامة، أيضا المسئولية في الأعمال بتاعتي، بخلي بالي إن فيه أطفال بتتفرج، وبكون عاوزة أعمل لهم أغاني تسعدهم، والطفل أصبح مفهوم مهم في حياتي، والإنسان لما بيقعد مع الأطفال بيصغر، لأن هما أبرياء".