تأجيل محاكمة السائق المتهم بدهس مهندس التجمع لـ 26 يونيو

قررت محكمة جنايات القاهرة، المنعقدة بالتجمع الخامس، اليوم الإثنين، محاكمة السائق المتهم بدهس مهندس التجمع إلى 26 يونيو المقبل.

أمر الإحالة

وأحالت جهات التحقيق، سائقًا متهمًا بقتل مهندس التجمع باستخدام "جرافة لودر" داخل أحد مواقع الإنشاء، بمنطقة التجمع الخامس بالقاهرة الجديدة، لمحكمة الجنايات بتهمة القتل العمد مع سبق الإصرار والترصد.

وكانت النيابة العامة أُخطرت، صباح 15 مايو 2023، بدهس سائق مُعدةٍ ثقيلة "لودر"، مهندسًا بموقع بناء تحت الإنشاء، باستخدام جرافة، وتم ضبط المتهم واللودر المستخدم في الجريمة.

اعترافات المتهم

وقال المتهم أمام جهات التحقيق “المهندس المجني عليه كان عاوز يمشيني من الموقع وفضل يتكلم عليا، وكمان بتاع أعمال وأنا طول عمري بيتعمل لي أعمال ومش عارف أفكها عشان كده قررت أخلص عليه باللودر ولمّا خلصت عليه فضلت قاعد لحد الأمن ما وصل وقبض عليا”.

ووصف المتهم لجهات التحقيق طريقة قتل المجني عليه قائلا “رُحت عليه باللودر وخبطته بسقف سكينته في صدره من ناحية اليمين فوقع على ظهره، وبعد كدا عدلتها ورفعتها لفوق وخليت السكينة مقلوبة، ونزلت عليه بشفرتها وهي مقلوبة في صدره ورفعتها ونزلت بيها تاني، وبعد كدا لقيت واحد بيجري عليا وبيزعق”.

وأضاف المتهم خلال التحقيقات “أنا وقفت عشان كان خلاص نزل من رأسه دم كثير ومن ودانه، فأنا تأكدت أن هو توفي وفضلت واقف فوق اللودر، وبعد كدا الناس نزلتي ودخلوني جوه العمارة لحد ما الأمن جه وفضل يستجوبني، وقال لي خبطته؟ قلت له أيوه خبطته، قال لي عن قصد؟ قلت له أيوه، ولمّا سألني ليه؟.. قلت له أنا حسيت إن هو عاوز يمشيني من الموقع أو يموتني، فأنا قلت أموته”.