أعشق التراب الذي يدوسه.. بسمة وهبة تتوعد منتقدي شيخ الأزهر

تعدت الإعلامية بسمة وهبة، كل من ينتقد أو يحاول الاقتراب من شيخ الأزهر، الدكتور أحمد الطيب، وستتكفل بردهم عنه من خلال برنامجها الجديد “مش هسكت”.

الإعلامية كشفت تفاصيل برنامجها الجديد الذي ستبثه عبر مواقع التواصل الاجتماعي، ويحمل عنوان “مش هسكت”، وفيه ستكون لسان وسيف الجميع من خلال عرض موضوعات هامة.

بسمة وهبة

إعلان وهبة عن برنامجها جاء في ردها من خلال “تليجراف مصر”، على الهجوم الذي تعرضت له من الفنانتين حورية فرغلي، والمعتزلة ميار الببلاوي، بعد استضافتهما خلال برنامجها.

قالت، “أنا كنت ماشية جنب الحيط، جوا الحيط، بس من ساعة اللي حصل في موضوع ميار وحورية فرغلي، قولت أنا مش هسكت بعد كدة”، مستطردة، "هيبقى نفس اللي قولته لميار، مش هسكت لحد بعد كدة لا جه عليا ولا حتى جه على غيري".

تابعت، "أي حد هيجي جنب الدين أو جنب مولانا الدكتور أحمد الطيب اللي بعشق التراب اللي بيمشي عليه، والدكتور مختار وزير الأوقاف، أو يسيء ليهم أو للمنظومة بتاعتهم، أنا مش هسكت، واللي هيجي على ست ولا أطفال ولا شباب غلابة والناس الغلابة، مش هسكت أنا والظالم والزمن طويل".

أوضحت بسمة، "بقالي فترة بفكر اعمل برنامج على السوشيال ميديا لأن أنا بحب الكاميرا، محبش أبعد عنها أبدا، وببعد عنها بسبب ظروف مرضي وظروف والدي ووالدتي اللي عايشين معايا وباخد بالي منهم، وشغلي وحياتي وكمان ظروف ولادي اللي كل واحد فيهم عايش في بلد".

بسمة وهبة: بحب الحكايات

تابعت، "بحب دايما إني مبعدش عن المواضيع ولا الحكايات ولا الخدمة الميدانية الإعلامية، فقولت أعمل برنامج وأخد معايا كاميرا في كل حتة، ولو فيه موضوع هعمله وهتكلم فيه".

وعن هجوم حورية فرغلي عليها، قالت بسمة وهبة موجهة حديثها إليها، "إنتي بتشتكيني على إيه؟!، زعلانة مني ليه؟!، ده انتي روحتي فضحتي نفسك، أنا مش فاهمة ده حالة من الجنون".

أما عن ميار الببلاوي، أكملت وهبة، "جه بقى موضوع ميار، قررت أطلع أرد ومش هسكت تاني لحد أبدا، لما اتعمل موضوع ميار أنا شوفت في الحلقة كلمة (مش هسكت)، وأي حد بعد كده له حاجة عند حد أنا هكون لسانه وسيفه، أنا هبقى حامي الحماة".

جدير بالذكر إن الإعلامية بسمة وهبة تعرضت لهجوم من الفنانة حورية فرغلي، والتي كشفت عن السؤال الأخير بحلقة العرافة التي أبت الرد عليه، والذي كان يدور حول تعاطيها المخدرات.

أما الإعلامية ميار الببلاوي، فخرجت منهارة في بث مباشر عبر صفحتها، بعدما هاجمها الشيخ أبو بكر بسبب عودتها لزوجها 11 مرة، وهي المعلومة التي كشفتها الفنانة في حلقة من “العرافة” مع بسمة، وقالت إنه تم بها الكثير من “المونتاج”.