بعد اتهامها بسحل زميلتها.. لاعبة الدراجات تدافع عن نفسها بـ"ستوري"

شاركت لاعبة المنتخب للدراجات، شهد سعيد، منشورًا عبر خاصية “ستوري” بصفحتها الشخصية على موقع “إنستجرام”، كتبه شخص يدافع عنها في واقعة التحامها مع زميلتها في اللعبة جنة عليوة، ما أدى إلى تعرضها لإصابات بالغة.

شهد سعيد لاعبة المنتخب

وجاء في المنشور "قتل إيه يا جدعان، أنا بوقف الفيديو علشان كله ياخد باله من العجلة بتاعة شهد، ركزوا انتوا لو ناس فاهمة عَجَل (دراجات) هتعرفوا إن واحدة زي شهد دي لاعبة سبرنت".

وأضاف المنشور "ركزوا في الفيديو هتلاقوا إن شهد كانت هتقع أصلًا، العجلة (الدراجة) مالت منها جامد ودا طبيعي بسبب المجهود اللي هي عاملاه، وكلنا بنتعرّض لنفس الموقف.. كلنا بندوخ وفي ناس مننا بيغمى عليها، كمان هي كانت هتقع وده غصب عنها، عشان كدة خبطت في زميلتها".

واقعة لاعبة الدراجات

وتابع المنشور "هي لو قاصدة تعمل كدا كانت هتكمل بعد ما وقعتها، إنما هي وقفت على رجليها وبعدين لو على المكسب، دا أصلا مش تخصص شهد يعني مش هتستفاد من البطولة دي كلها بأي حاجة ولا حتى هتاخد نقط، وهي كدا كدا اتأهلت للأولمبياد".

واختتم بقوله "هي وزميلتها مفيش معاملة بينهم أصلًا ولا بالحلوة ولا الوحشة، وبعدين من إمتى والسياسة بتدخل في الرياضة؟ يعني اللي بيمارس رياضة لازم يكون قد إصاباتها.. وتقريبًا كل لاعيبة مصر جالهم إصابات ومحدش اتكلم ولا حد قال حاجة علشان دي رياضة والمفروض أنا خايف على نفسي يبقى ملعبش أحسن وخليني في البيت".

لاعبة الدراجات جنة عليوة

وكانت نسرين حامد والدة اللاعبة المصابة جنة عليوة، كشفت لـ"تليجراف مصر" الحالة الصحية لابنتها جنة بعد تلاحم اللاعبة شهيد سعيد معها، موضحة أنها تعاني كسرًا في الترقوة وسحجات في أنحاء متفرقة ولا تزال تحت الملاحظة.

وأكدت والدة جنة عليوة، أن شهد سعيد أثناء السباق، أخذت مسافة من أقصى اليمين لأقصى اليسار عن تعمد وهو ما يوضح تبييت النية في إيذاء ابنتها.

وأشارت إلى أن شهد وصلت إلى كتف ابنتها، وبدأت تسحلها على الأرض وتركتها وفرت هاربة، ولم يخطر على بالها قط أن تعود لتطمئن على جنة، بل أكملت طريقها، وبعد الانتهاء وقفت لتحتفل بتتويجها بالميدالية الجماعية.