منظم حفل نيكول سابا بأسيوط: كانت مبسوطة من الجمهور

عبر منظم الحفلات، إسلام لطفي، عن سعادته بنجاح حفل الفنانة نيكول سابا بأسيوط، وحفل فريق شارموفرز، والفنان مصطفي حجاج بالقاهرة، وحفل هشام عباس بالإسكندرية، مشيرا إلى أن جميع حفلاته كانت في يوم واحد وكان ذلك تحد من وجهة نظره.

وقال إسلام لطفي في بيان: "حفلة نيكول كانت حفلة حلوة هي كانت مبسوطة ومتحفزة جدًا إنها تأدي للجمهور بتاعها في أسيوط وانبسطت جدًا لما قولتلها إحنا نعمل حفلة في أسيوط للجمهور بتاعك وفاجأت الكل وعملت أغنية جديدة مخصوص وكانت بتنزلها وكان حظنا الحلو إنها كانت لسه بتنزل".

وأضاف: "أنا بقى في التجهيزات قعدنا نفكر شوية حلوين نجهز ونعمل حاجة تبقي بالجمهور في أسيوط والفنانة وعملنا ديزاين حلو للحفلة واشتغلنا على الناس تدخل إزاي وتخرج إزاي وتأميناتهم من غير أي مشاكل تحصل ولا أي حاجة".

وأشار إلى أن التحدي الأساسي كان إقامة حفلات لأربع نجوم في يوم واحد وأن ردود الأفعال فاقت التوقعات.

يذكر أن آخر أعمال نيكول سابا  طرحها مؤخرًا أحدث أغانيها باسم "خِلصت خلاص" كأول أغنية لها خلال الموسم الصيفي ضمن سلسلة من الأغنيات التي تنوي إطلاقها على مدار الصيف.

وتعاونت نيكول في أغنية "خلصت خلاص" مع الشاعر الغنائي مصطفى حسن الذي كتب الكلمات والأغنية من ألحان مصطفى العسال، والإنتاج الموسيقي والميكس والماستر لأماديو وهندسة صوت لوسام فؤاد.

ومن كلمات الأغنية:

 كنت أعمل قد ما بعمل ومفيش ولا حاجة عاجباه ياما قابل حبي بلا مبالاة كان لازم نطرده من قلبي واقفل بالقفل وراه ده الحب بلاه لو بالإكراه دموعي مبقوش ينزلوا بشوفه شفاف بهمله احوالي بعده اتحولوا وللاحسن بكتير برة من قلبي اترمى والحب لو ليه محكمة مشاعره تطلع كلها كلها غش وتزوير آه أنا نسيته بلا رجع مافيش ولا دمعة هتنزل ع الاشكال دي هانسي واعدي علي ايه هتعب قلبى ومخي يجيب ويودي بالنسبالي مابقاش موجود واعتذاره مرفوض مرفوض.