بسمة وهبة تستغيث بشيخ الأزهر: اعمل حاجة

هاجمت الإعلامية بسمة وهبة مركز “تكوين”ـ حيث اتهمت المسؤولين عنه بأنهم لا يعرفون أساسيات الدين، قائلة "بيحللوا الحرام".

وأثارت بسمة وهبة الجدل من خلال نشرها مقطع فيديو متحدثة عن مركز"تكوين" قائلة؛ " إيه علاقة التافهين دول بالدين، ومين إداهم الحق يحشروا نفسهم، هما عايزين يعملوا إيه يدمروا الشباب والأطفال، الهدف بتاعهم ولادنا وبيلعبوا بدماغهم، انتوا أعلنتوا الحرب على ثوابت الدين وبتبوظوها، قمتم بإساءة الأدب مع ربنا ورسوله الكريم، مين وكلكوا لده".

بسمة وهبة: أغيثونا

وأضافت وهبة في آخر ظهور لها عبر موقع التواصل الاجتماعي "إنستجرام": “خلوا بالكم وراهم منظمات مشبوهة، اللي عايزه أقوله أغيثونا، إحنا بنناشد المسؤولين أغيثونا من النصابين.. دول أين علماء الدين؟”.

وجهت وهبة استغاثة  لعلماء الأزهر، قائلة: “أنا بستغيث بيك يا شيخ الأزهر، اعمل حاجة، الناس دي جايين يألفوا دين جديد و يهدوا عقيدتنا عشان يحللوا الحرام، ياريت الأزهر يتدخل، ولا واحد فيهم دارس ومعاه شهادة في الدين مفيش أي حاجة، دا حتى في كلامكوا مش بتقولوا على النبي عليه الصلاة والسلام، كلكم متآمرين وعصابة، ربنا سبحانه وتعالى وسيدنا النبي لازم تتأدبوا معاهم، متغلطوش وتراجعوا في الدين.. يوم ما نسأل على حاجه نسأل الأزهر بوصلة العالم كله”.