الشاب المصفوع من الهضبة: لم أطلب مليار جنيه.. "كرامتي متتعوضش بفلوس"

نفى الشاب سعد أسامة طلبه تعويض مادي من الفنان عمرو دياب، والذي يصل لمليار جنيه، بعدما اختصم المحامي حسن المطعني الأخير في عريضة الدعوة التي أقامها مكتب النائب العام، إعمالا لنص المادة 27 إجراءات جنائية.

الشاب المصفوع من عمرو دياب

وقال الشاب المصفوع من عمرو دياب: "حسبي الله ونعم الوكيل، المحامي بتاع المليار جنيه ده مش تبعي ومعرفوش أنا مش عايز اي ماديات..ومليار جنيه بالنسبالي متشغلنيش ولا يهمني الفلوس..حتى رقم تليفونه مش معايا".

وأضاف سعد أسامة خلال حديثه مع "تليجراف مصر"، أنه يسعى جاهدًا لأخذ حقه من الفنان عمرو دياب، متابعًا: "أنا مش عاوز أي تريند ولا حد يطلع يتكلم باسمي..مش كل حاجة فلوس في حاجات متتعوضش زي الكرامة، لو كرامتي راحت مني يبقى مش عايز أعيش". 

قلم عمرو دياب

وتابع أسامة: "أنا واثق في القضاء المصري هو اللي هيجيبلي حقي..أنا اصلا موكلتش المحامي بتاع المليار جنيه، انت عايز تدافع عني مفيش مشكلة بس انا مطلبتش منه حاجة".

واختتم سعد حديثه: "أنا متدمر نفسيا ومتكلمتش مع حد ولا طلعت مع أي شخص على السوشيال ميديا..في اكونتات كتير فيك باسمي وصوري أنا مبطعلش في حتة..وقالوا اني اتصورت مع عمرو دياب كذا مرة، هي أول مرة اتصور معاه ضربني بالقلم أومال لو كذا مرة هيموتني ولا أيه؟".

صفعة عمرو دياب 

وكان الشاب سعد أسامة من أشد المعجبين بالفنان عمرو دياب، وفي أحد حفلات الزفاف صعد إلى المسرح حتى يلتقط معه صورة سيلفي، لكنه تفاجىء بالفنان وهو يصفعه بالقلم على وجهه، لينتهي الأمر بقضية تشغل بال الرأي العام واتجهت لساحات المحاكم.