حفل جنسي على "جامعة قمامة" في مصر القديمة.. ندى "الضحية والهدية"

يواصل موقع "تليجراف مصر"، نشر نص أقوال عاملة نظافة “ندى ع”، ضحية الاعتداء عليها من 3 أشخاص الذين أجبروها على ممارسة العلاقة المحرمة وتصويرها عارية في منطقة مصر القديمة بالقاهرة، فضلا عن أنهم كانوا يهادون بها أصحابهم.

“3 عمال نظافة جابوا أصحابهم وعملوا عليا حفلة جنسية”، كانت بداية أقوال (ندى)، صاحبة الـ17 عاما، وتعمل في جمع القمامة، أضافت عليها "أنا كنت متجوزة من شخص (عرفي) وبعدها اتحبس وطلبت منه الطلاق، ووالدته خدت الشقة مني ورمتني في الشارع".

علموا عليا حفلة

وشرحت ندى في تحقيقات النيابة العامة، طريقة التعدي عليها واستغلالها لمعاشرتها بقولها "تعرفت على 3 عمال في جمع القمامة، وهددوني بسلاح أبيض وعاشروني جنسيًا، وبعدها اتصلوا بأصحابهم وعلموا عليا حفلة".

وعن سؤالها عن استغلالها جنسيا، قالت، “أنا ماليش حد والمتهمين استغلوا إن ماليش مكان أروحه وكانوا بيوفروا لي مكان أبات فيه وده بالعافية عشان ممشيش، سواء بالتهديد أو بضربي، وكل ما يعوزونى عشان يناموا معايا أو لما يعوزوا يجاملوا أصحابهم يدخلوهم عليا بالعافية”.

وجاءت أقوال ندى كالآتي:

س: هل كان ذهابك معهم لإقامة علاقة طواعية منك أم كرها عنك؟

ج: لا كان بالإكراه

س: وما كيفية إكراهك؟

ج: زي كل مرة كانوا بيرفعوا عليا السكاكين

س: ما الذي دعاكي للانصياع لهم في كل مرة؟

ج عشان كانوا بيهددوني ببنتي.. إنهم هيأذوها وكانوا بيضربوني بالسكاكين وبإیديهم

س: هل يوجد آثار إمناء على ملابسك؟

ج: لا لأنهم قلعوني هدومي خالص

س: وهل واقعك المتهمين فرادى أم مجتمعين؟

ج: لأ.. واحد واحد

س: وما وجهتك قبل المتهمين حال مواقعتك؟

ج: كانوا منيمنى على الأرض على ضهري والباقيين واقفين حولينا بالسكاكين عشان ما هربش.

س: وما دور كل من المتهمين في ارتكاب الواقعة حيالك؟

ج: كلهم زي بعض، كلهم ناموا معايا غصب عني وكلهم كانوا ماسكين سكاكين

 س وما مظاهر قيام المتهمين باستغلالك جنسيا؟

ج هم استغلوا إني مليش مكان  ووفرولي مكان أبات فيه علشان ممشيش سواء بالتهديد أو بضربي، وكمان خطفوا بنتي عشان كل ما يعوزونى يناموا معايا أو لما يعوزوا يجاملوا أصحابهم يدخلوهم عليا.

س: وما الذى حال دون تركك لمكان إقامة المتهمين؟

ج: عشان مفيش مكان تاني أروحه ولو مشيت هم بيعرفوا يجيبوني

س: وما هو عدد مرات مواقعتك من قبل المتهمين؟

ج: في المرتين كل واحد عمل مرة واحدة

س: هل قام أي من المتهمين بتقديمك لثمة أشخاص آخرين للاعتداء الجنسي عليك؟

ج: أيوة

س: وما هي عدد مرات تقديمك لأشخاص آخرين؟

ج: حوالي أربع أو خمس مرات

س: وما عدد القائمين بمواقعتك كل مرة؟

ج: حوالي خمسة أو ستة

س: وهل تعرفتي على أي من سالفي الذكر؟

ج: لأ معرفهمش

س: وهل من ثمة مقابل مادي يتحصل عليه المتهمين من تقديمك لثمة آخرين؟

ج: لأ هم بيجاملوا أصاحبهم بيا، ولما برفض بيخبطوني بالسكاكين، لما كنت بقاومهم بيجرجروني على الأرض.

س: كيف تمكن المتهمين من خلع ملابسك آنذاك؟

ج: كانوا بيضربوني بأيدهم وببطن السكاكين وبيقلعوني غصب عني

س: وما الملابس التي كنت ترتديها حال قيام المتهمين بمواقعتك؟

ج: في المرتين كنت لابسة عباية سودا وعليها ترتر بيلمع

س: كيف تمكن المتهمين من إخضاعك لسيطرتهم؟

ج: خطفوا بنتي وهددوني بيها وكمان كانوا بيهددوني بالسلاح

س: هل توجد إصابات في جسدك؟

ج أنا متعورة في إيدي ورقبتي وراسي

س: ما علاقتك بالمتهم (محمد. ع) الشهير بـ محمد خرابة؟

ج: أنا اتعرفت عليه بعد ما (سعد) جوزي اتحبس وبعدها اتجوزنا عرفي

س: هل بحوزتك وثيقة الزواج من سالف الذكر؟

ج: لأ مش معايا

س: وما بادرة لقائك بالمتهمين؟

ج: أنا لما جوزي اتحبس وسبت بيت حماتي مالقتش مكان أبات فيه، فضلت في الشارع في منيل الروضة وساعتها كان الثلاثة الأخوات (محمد وهيثم وحسن) شغالين في الزبالة وبيباتو في الشارع، فاتعرفت عليهم.

س: وما علاقتك بسالفي الذكر تحديدا؟

ج: علاقة عادية كلنا ولاد الشارع

س:  وما فترة إقامتك رفقة المتهمين؟

ج أنا يتعامل معاهم بقالي سنتين لكن مدة إقامتي معاهم تقريبا شهر أو شهر ونص 

س: ما هو نوع الاعتداء الذي تعرضتي له تحديدا؟

ج: هم خطفوا بنتي واغتصبوني

س: وكيف تمكن المتهمين من اختطاف ابنتك؟

ج: كنت سيباها مع واحد عند مقلب الزبالة وروحت أحاول أجيب فلوس، ولما رجعت ملقتهاش، ولما سألت عليها (محمد .ر) قالي "إحنا اللي خدناها، وخدوها بالعافية من الراجل اللي في المقلب".