ريهام سعيد: "مش بحب أبص على شكلي في المراية"

أكدت الإعلامية ريهام سعيد، أنها لم تعد ترغب في النظر إلى المرآة.

كتاب الشهرة

ونشرت ريهام سعيد، عبر حسابها الشخصي بـ“إنستجرام”، مقطع فيديو من لقائها مع الإعلامي “علي ياسين” في برنامج “كتاب الشهرة”، المذاع على قناة الجديد اللبنانية.

وتحدثت فيه ريهام سعيد، عن أزمتها بالنظر في المرآة، معلقة: "يا مرايتي يا مرايتي والله ما قادره أشوف".

زعلانة من نفسي

قالت ريهام سعيد، خلال لقائها مع الإعلامي علي ياسين: "أنا فعلا زعلانة من نفسي بجد".

ليوجه لها الإعلامي علي ياسين، سؤالا: "إذا بدك تمسكي المراية شو بتقولي لريهام سعيد الامرأة؟".

وأجابت ريهام سعيد: "أقسم بالله مش بحب أبص خالص"، وبررت ذلك، قائلة: “عشان مش أنا، حتى لو أنت بتشوفني كدة ومش شايف العيوب”.

دور الضحية

وقالت ريهام سعيد محدثة نفسها بالمرآة: "أنا الوحيدة اللي عارفة أن أنت تعبتي أوي، أنا مبحبش أعيش في دور الضحية أوي، بس أنت اتظلمتي كثير جدا وعملتي حاجات كويسة كثير أوي محدش اتكلم عنها ومتقدرتيش ولا اتحطيتي في المكانة اللي تستحقيها".

الحق هيبان

وتابعت ريهام سعيد: "ممكن تكوني متقدرتيش من البشر لكن ربنا شاف وكتب، وإن شاء الله هتبقي كويسة جدا برغم أن أنت مش عارفة تعدي الحاجة الأخيرة ده وكل الناس قاعدة تخوفك وتقولك أنت مش قد ده وهكذا".

وختمت: "أنا عارفة أن أنت قوية ومعاكي ربنا، الأقوي من أي حد، وبإذن الله هيجي يوم قريب جدا والحق هيبان".