محمود سعد: كنت بأخذ جنيه عيدية وبنبسط وعمري ما حسيت بحرمان

تحدث الإعلامي محمود سعد، عن بعض طقوسه في عيد الأضحى، خلال حواره مع الفنانة روڤي الشناط، في برنامجها “هزار بجد”.

السهر للصبح

وقال محمود سعد "كنت بحب أوي حكاية أن أسهر ليلة العيد لحد الصبح وأصلي العيد، ولما ربنا رزقني بـ"مي" وكبرت شوية بقيت أخذها معايا الجامع في صلاة العيد"، ولكنني توقفت عن هذه العادة بعدما أصبحت أنام مبكرًا.

وتابع سعد “أشتاق للسهر للصباح مثل أيام زمان، مع أصدقائي، بس أنا لو سهرت للصبح فيها 4 أيام عشان أظبط نفسي تاني".

ومن طقوس العيد عند محمود سعد تناول الفتة واللحم في الصباح بجانب الكبدة والكلاوي، وهنا تذكر "كانت أمي تعمل لنا الكبدة والكلاوي أول ما نذبح الخروف، ولكن لما ماتت مبقناش بنذبح في البيت بقينا بنذبح بره".

الفتة 

وعن مشاركته في طهي الفتة علق محمود سعد قائلًا "ممكن أقطع العيش، لكن حاولت أطبخ لقيت نفسي فاشل أوي".

العيدية 

وعن العيدية قال محمود سعد “شيء مقدس، وبقدمها لبنتي وزوجتي وأصدقائي، وأكبر عيدية بتاخدها مراتي بس بتصرفها على البيت”

عيد الفرحة

وأضاف محمود سعد، "من حوالي سنتين وبسبب الظروف الاقتصادية الشائكة، أصبحت أعطي العيدية في عيد الفطر فقط لأنه عيد الفرحة، وأحيانا في عيد الأضحى، بعطي عيدية".

جنيها فقط

وتعد العيدية من ذكريات الطفولة عند محمود سعد حيث قال "كنت بأخذ الجنيه وبنبسط بيه بس كانت جدتي الله يرحمها تعطي لباقي أحفادها 5 جنيهات عيدية.

وتابع "لما كبرت أوي بقيت بقول ليه كده ده خطأ فلازم أحكي للناس الحكاية مش عشان زعلان من ستي الله يرحمها، إنما عشان مفيش واحدة تانية تعمل كده".

وأضاف محمود سعد "عمري ما حسيت بالحرمان إطلاقًا، برغم أن ممكن يعدي عليا فترة عندي قميص أو اتنين، لكن بنزل زي الفل، قميصي غسله وأحيانا أنا اللي بكويه".