شاب حمل أمه 6 أدوار.. طبيب يروي موقفا مؤثرا بسبب تخفيف الأحمال

لقت رواية طبيب لموقف مؤثر بين أم وابنها بسبب زيادة ساعة تخفيف الأحمال، تفاعلا كبيرا عبر مواقع التواصل الاجتماعي.

وقال الطبيب حسام الديب، إن زيادة ساعات قطع الكهرباء من ساعتين إلا ثلاثة ساعات دون تنبيه مسبق، جعلته شاهد على معاناة شاب في الوصول إلى عيادته بالطابق السادس، لإجراء كشف طبي على والدته، مع تعطل “الأسانسير”.

كتب الديب في منشوره، “خلاص عملت حسابي إن الكهربا بتقطع في العيادة من تلاتة لخمسة، بقيت أروح العيادة بدري على قد ما أقدر عشان أكون خلصت الساعة تلاتة، ومعظم المرضى يطلعوا وينزلوا في الأسانسير لأن العيادة في الدور السادس”.

مريضة مسنة

أضاف، “النهاردة الساعة ٢ إلا ربع دخلت العيادة مريضة كبيرة في السن وعندها مشاكل صحية كتير على كرسي متحرك مع ابنها، عشان تطلع على سرير الكشف ابنها كلم أخوه في التليفون ييجى يشيلها معاه يطلعها، الأم بتقول لابنها تاعباكم معايا، الولد رد أهم حاجة ترضي عننا يا أمي”.

استكمل، “يادوب خلصت الكشف ولسه هكتب الروشتة على الكمبيوتر الكهربا قطعت، أنا اتفاجئت، هم جايين من سفر قلت لهم إحنا معادنا هنا تلاتة مش اتنين، وأنا عامل حسابي إنكم تخلصوا قبل قطع الكهربا”.

قطع الكهرباء

أوضح، “قعدوا يفكروا هينزلوا بيها إزاي، نشيلها بالكرسى وننزل 6 أدوار، قلت لهم استنوا أحسن يمكن الكهربا تيجي، الخبر تناقلته الناس بسرعة بالتليفونات والنت، إن الكهربا قطعت على الكل ساعة بدري، وإن الكهربا هتقطع تلات ساعات، شالوا أمهم ونزلوا بيها ست أدوار على السلم في الحر ده، في رقبة مين اللي بيحصل ده؟”.

وزارة الكهرباء

وكشف وزارتا الكهرباء والبترول، أمس، عن تغيير مواعيد قطع الكهرباء في مصر اليوم بإضافة ساعة ليصبح عدد ساعات تخفيف الأحمال 3 ساعات.

حاء ذلك في إطار خطة تخفيف الأحمال التي تنفذها الحكومة في 2024، وبدأ تطبيق القرار بداية من أمس الأحد 23 يونيو 2024.