أورتيجا يعلن إصابته: أنا تعبان جدًا.. ربنا يبعد عني العين

أعلن مؤدي المهرجانات أورتيجا، إصابته بكسر في القدم، خلال “ستوري”، نشرها عبر حسابه الرسمي بموقع الصور والفيديوهات "إنستجرام".

ونشر أورتيجا، صورة لقدمه المصابة، معلقًا "الفترة اللي فاتت أنا كنت تعبان جدًا ومحدش يعرف ومش بحب أقول، وناس كتير مكنتش بتعرف توصلي لأني بجد كنت تعبان أوي والله، النهارده زاد التعب أكتر وبقى 2 کسر و4 شروخ في رجل واحدة".

وأضاف "أنا ليه نزلت ده دلوقتی علشان متفهمش غلط والناس تديني عذري، علشان في ناس معينة بقت بتتكلم بطريقه إن أورتيجا بيتنك والشغل التعبان ده".

وتابع" عاوز أقولكم أورتيجا بيتنفخ، فـ حبيت أوضح للناس اللي مش فاهمة حاجة، وأنا فهمتكم ادوني عذري بقي، والحمد لله والشكر لله طبعًا على كل حاجه بتحصل ويارب ابعد عننا العين علشان بقت مکشوفة وواضحة أوي.

آخر أعمال أورتيجا

ويعد فيديو كليب أغنية "حملة"، هي آخر أعمال مؤدي المهرجانات أورتيجا، الذي تعاون فيه مع زميله فيفتي، وشارك في الفيديو كليب مجموعة كبيرة من مطربي المهرجانات والراب ومنهم، مروان موسى، كريم أسامة، الوايلي، السادات، زياد ظاظا، فيلو.