"كل واحد فينا جواه بطل".. أغنية جديدة لـ أحمد مكي

الفنان أحمد مكي
دهب موسى
طرح الفنان أحمد مكي أغنيته الجديدة "كل واحد فينا جواه بطل" على حسابه الشخصي على “إنستجرام” ضمن حملة إعلانية لأحد البنوك المصرية الراعية لأبطال مصر في مختلف الألعاب الرياضية.
أحمد مكي
يعد الفنان أحمد مكي من أوائل الفنانين الذين قدموا الراب في مصر كما أنه أصدر ألبوما غنائيا بإسم “أصله عربي” عام 2012 وشاركه النجم أحمد سعد في إحدى أغنيات الألبوم وهي أغنية “منطقتي”.
واحترف مكي التمثيل منذ عام 2001 وقدم العديد من الأعمال التي لفتت انتباه الكثيرين ولكن دائمًا كان يخاطب الشباب في أعماله ويحثهم على العمل والمثابرة للوصول لما يريدون.
أعمال الفنان أحمد مكي
بدأ مكي، رحلته الفنية في عام 2001 عبر أدوار صغيرة حتى وصل لأدوار البطولة في أعماله.
ومن أشهر أعماله فيلم طير أنت، وابن عز وفيلم تيتو ومرجان أحمد مرجان وليلة البيبي دول وإتش دبور، فضلا عن مسلسله الناجح الكبير أوي والذي عرض منه 8 أجزاء حتى الآن.
كلمات أغنية "كل واحد فينا جواه بطل"
قالوا الأحلام زي الأمواج بتتكسر على صخور الواقع
بس في ناس عرفت تكسر صخور الواقع بحلمها
وفي ناس اتنازلت عن أحلامها
الأحلام ما بتموتش إنما ممكن تتنسي
عاوز تحقق حلمك ينفع لكن بشرط
لازم تفارق منطقة الراحة وتعدي الخط
الـ(comfort zone) أمان مزيف
فارقه وفوق من الخلط
مش ممكن تعبر المحيط من غير فراق الشط
إنشف وامنع خوفك ياخد عنك قرار
وطنش إحباط الناس اللي بتتمنى لك الإنهيار
هم اختاروا يشوفوا الماتش إنت قررت تلعب
هم اختاروا العادي السهل إنت قررت تتعب
أغلبهم عنده القدرة بس العبرة بالاختيار
علشان كدة تلقى الأبطال في الدنيا ديما مش كتار
لو حد حاول يقنعك تنزل بسقف حلمك
علشان يكون مألوف وواقعي أرفض لأنك
إنت اللي شفت حلمك أنت البطل في فيلمك
إرمي تكالك على الخالق وأخلص تلقاه يدلك
كتير حاجات اتوصفت بكلمة مستحيل
لحد ظهور إنسان نفذ ضرب مثل لكل جيل
احلم حلم يكون شمس تنور حياتك
كل المخاوف والحدود أوهام مصدرها ذاتك
وافتكر دايما
أن حدودك الوحيدة
هي إنت
الواقع كسر حلمك؟ الروح ما بتتكسرش
خد من الكسر درس وارجع تاني أقوى وما تسلمش
مفيش أحلام بتموت الحلم ممكن يتنسى
ثق في نفسك وفي ربك كمل مهما الواقع قسي
الواقع كسر حلمك؟ الروح ما بتتكسرش
خد من الكسر درس وارجع تاني أقوى وما تسلمش
مفيش أحلام بتموت الحلم ممكن يتنسى
ثق في نفسك وفي ربك كمل مهما الواقع قسي

أخبار ذات صلة
مجدي الهواري يكشف سبب حذف حساب محمد رمضان على "تيك توك"
17 مايو 2025 03:16 م
احتفال كبير بالزعيم عادل إمام في "صباح الخير يا مصر"
17 مايو 2025 02:18 م
"أنا مش بشر".. تراجيديا وأقوال مأثورة في أعمال عادل إمام
17 مايو 2025 01:54 م
"ركبة" سميحة أيوب تحرمها من حضور عيد ميلاد عادل إمام الـ85
17 مايو 2025 01:47 م
واقعة عمرها 49 سنة.. عادل إمام يغزل الضحك على المسرح من ذاكرة النسيان
17 مايو 2025 01:43 م
بدرية طلبة: "عادل إمام لم يرفض لي طلبًا.. ورفع من شأني أمام الجميع"
17 مايو 2025 12:51 م
"كنت خايفة وارتحت".. هالة صدقي تتذكر تعامل عادل إمام معها في البلاتوه
17 مايو 2025 12:42 م
موعد بدء تصوير فيلم "الست لما" بطولة يسرا وياسمين رئيس
17 مايو 2025 12:31 م
أكثر الكلمات انتشاراً