الأولى على المكفوفين: "أهلي كانوا منتظرين اتصال الوزير"

تعالت أصوات الزغاريد في منزل الطالبة سماء سمير أحمد، ابنة محافظة الدقهلية، الأولى على مكفوفي الثانوية العامة على مستوى الجمهورية 2024.

الأولى على مكفوفي الجمهورية 2024

تقول سماء إن معانتها لم تقف عائقًا أمام تحقيق حلمها وهدفها، وتواصلت مع الجمعيات المخصصة للمكفوفين لاستلام كتبهم الخاصة، مضيفة "كنت خايفة جدًا من طريق الدروس.. بس عملت اللي عليا وربنا كرمني وربنا رزقني بصحاب كتير".

نور النجاح في منزل 

وتابعت الأولى على مكفوفي الثانوية العامة على مستوى الجمهورية 2024، في تصريحات خاصة لـ"تليجراف مصر": “أهلي كانوا بيشجعوني جدا وكانوا متوقعين إني أكون الأولى.. ومستنيين التليفون يرن عشان الوزير يباركلي”.

وأضافت: “قلبي فرح لما لقيت رقم غريب بيتصل بيا من شوية.. وبيقولي مبروك يا سما معاكي مكتب وزير التربية والتعليم.. إنتي الأولى”.

وواصلت: “هحقق حلمي وأدخل كلية الألسن.. أختي الكبيرة قدوتي.. احنا 4 بنات.. أنا أصغرهم.. وليا أختي كفيفة بردوا هي قدوتي ومثلي الأعلى.. لأنها حاربت المستحيل وتخرجت من آداب إنجليزي وبتحضر ماجستير في الصحة النفسية”.