"قالي عيب".. نص التحقيقات مع المتهم بقتل سائق شبرا الخيمة

شهدت منطقة شبرا الخيمة، واقعة مأساوية عندما قُتل سائق ميكروباص على يد 3 أشخاص، بعد مشاجرة بسبب تلفظ المتهم ألفاظا خارجة.

حصل “تليجراف مصر” على نص التحقيقات مع المتهم الرئيسي بقتل سائق يدعى عبدالله، في منطقة شبرا الخيمة.

وألقى رجال المباحث بالقليوبية، القبض على المتهمين بقتل سائق بمنطقة شبرا الخيمة، وبدأت جهات التحقيق مواجهة المتهم الأول “أحمد ع”، 35 سنة، فني تكيف، بما جاء في محضر الضبط، ووجهت له عدة أسئلة، أجاب عليها، كالتالي:

س: ما قولك فيما هو منسوب إليك بقتل المجني عليه عبدالله السيد رزق؟

ج: محصلش؟

س: ما قولك فيما هو منسوب إليك بأنك متهم بإحراز سلاح أبيض “مطواه” وعصا؟

ج: محصلش

س: ما معلوماتك حول الواقعة وظروفها وملابساتها؟

ج: أنا كنت بتكلم مع جاري اسمه محمود وبشتمه عشان سالف مني 200 جنيه ومرجعهمش وأنا مش معايا غير 20 جنيه في جيبي، ولقيت المجني عليه جاي بيقولي متشتمش، قولتله وأنت مالك، راح ضربني، وقطعلي التيشيرت وسيبته ومشيت، وبعدها روحتله تاني أنا وأخويا وواحد صاحبي، وأنا ضربته بالعصايا على دماغه، وصاحبي كتفه، وأخويا ضربه، وبعدها طلعت بيت حمايا ونمت، وصحيت بعدها على صوت أهلي في الشارع بيقولوا إن محمد أخويا الحكومة خدته وخدت مراتي وإن الراجل مات.

س: ما حالتك الاجتماعية وظروفك المعيشية؟

ج: أنا بشتغل فني تكييفات

س: ما مستوى تعليمك؟

مش متعلم

س: ما فرق التوقيت بين المشاجرة الأولى والثانية؟

ج: 10 دقايق

وألتقى “تليجراف مصر”، زوجة المجني عليه، رباب، لتروي تفاصيل مقتله، وقالت إن زوجها سائق ميكروباص، يخرج إلى عمله في الخامسة فجًرا حتى الواحدة ظهرًا، ويعود بمصاريف البيت وابنته ولسداد الديون، موضحة: "بينزل الفجر يروح شغله ويرجع جايب العيش والفاكهة معاه، وفي يوم الحادثة كان بيصلح كاوتش العربية وسمع شابين إخوات اسمهم (كولا) و(زيكو) بيشتموا بعض، فقالهم عيب كدا، اتخانقوا معاه وسابوه ومشيوا".

وأضافت رباب: "راح يجيب العيش وكيلو بلح، وهو راجع لقى الاتنين واقفين قدامه ومعاهم واحد صاحبهم اسمه فهمي، الأخير (كتفه) والاتنين الإخوات ضربوه بماسورة مياه على راسه لحد ما مات".

وكشفت رباب، أن زوجها كان يلفظ أنفاسه الأخيرة عندما وصلت إليه، فطلب منها أن تحتضنه، وفاضت روحه بين يديها.

كانت الأجهزة الأمنية بالقليوبية، تلقت بلاغا يفيد بمقتل سائق على يد 3 أشخاص بمنطقة شبرا الخيمة، وعلى الفور انتقل رجال المباحث لمحل البلاغ وتبين صحة الواقعة.

بعمل التحريات، وجهت التهم إلى 5 أشخاص، جرى القبض على 3 منهم، وجار تكثيف الجهود لضبط باق المتهمين.