والد هدير عبدالرازق: "بنتي محترمة.. فين الفسق والفجور ده؟"

لا تزال قضية البلوجر هدير عبدالرازق، المتهمة بنشر الفسق والفجور، تتصدر اهتمام الرأي العام ومواقع التواصل الاجتماعي، إذ قررت المحكمة الاقتصادية المنعقدة بالقاهرة تأجيل أولى جلسات محاكمتها إلى يوم 14 ديسمبر الجاري للاطلاع على أوراق القضية.  

قضية البلوجر هدير عبدالرازق

وفي تصريحات لـ"تليجراف مصر"، أعرب والد هدير عبدالرازق عن استيائه مما وصفه بـ"التشويه الإعلامي" الذي طال ابنته، قائلاً: "أنا وكلت ربنا في حق بنتي، وحسبي الله في كل حد ظلمها.. بنتي محترمة، ومعندهاش أي قضية قبل كده، ودي أول مرة تتعرض لكده في حياتها".  

وأضاف: "بنتي عندها فيسبوك من سنة 2018، ومن أوائل الناس اللي اشتغلت على السوشيال ميديا في مصر. سمعة بنتي اتشوهت، مع إن عندها أربعة أشقاء محامين بيقفوا معاها، ومش هنسيبها أبدًا".  

بنتي مظلومة وسمعتها اتشوهت

وأشار والد هدير، إلى أن ابنته لا تحتاج المال، قائلًا: "بنتي مش محتاجة فلوس، وإخواتها عايشين بره مصر وكلهم مرتاحين ماديًا.. هي بتحب السوشيال ميديا وده حقها طالما في حدود الأدب".  

وتابع متسائلًا: "نفسي أعرف بنتي عملت إيه.. فين الفسق والفجور اللي بتتكلموا عنه.. عايز أعرف مين اللي نشر الفيديو وفضحها بالطريقة دي، هي متجوزة وفي حالها وعمرها ما أذت حد".

تبقى الجلسة المقبلة في 14 ديسمبر محطة حاسمة في القضية، التي أثارت جدلًا واسعًا عبر مواقع التواصل الاجتماعي.